Saltar al conteníu

Cheryl Walker

De Wikipedia
Cheryl Walker
Vida
Nacimientu South Pasadena (es) Traducir1 d'agostu de 1918[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Pasadena24 d'ochobre de 1971[1] (53 años)
Causa de la muerte cáncanu
Estudios
Llingües falaes inglés[2]
Oficiu actriz, modeluactriz de cine
Creencies
Partíu políticu Partíu Republicanu de los Estaos Xuníos
IMDb nm0907612
Cambiar los datos en Wikidata

Cheryl Walker (1 d'agostu de 1918South Pasadena (es) Traducir – 24 d'ochobre de 1971Pasadena) foi una modelu y actriz d'Estaos Xuníos.

Biografía

[editar | editar la fonte]

Nacida en South Pasadena, California, los sos padres yeren Everett Dale y Pauline S. Walker. En 1938 Cheryl Walker ganó'l concursu del Desfile del Tornéu de les Roses, fechu que facilitó qu'empecipiara una curtia carrera como modelu y como actriz cinematográfica.

A partir de 1938 fixo pequeños actuaciones, ensin apaecer nos creitos, en diversos filmes, hasta qu'en 1940 interpretó'l so primer papel de cierta importancia en Chasing Trouble, con Frankie Darro. Esi mesmu añu tomó'l nome artísticu de Sharon Lee pa interpretar la película Secrets of a Model, na cual fixo'l so únicu papel protagonista enantes de volver desempeñar actuaciones de calter secundariu.

Walker foi la "doble" de Veronica Lake nel filme Sullivan's Travels (1941), ya interpretó'l primer papel femenín en Shadows on the Sage (1942). Tamién foi stand-in (sustituta) de Claudette Colbert en No Time for Love. Quiciabes el so papel de mayor interés foi'l que llevó a cabu en Stage Door Canteen (1943), película na qu'interpretaba a una cantinera que se namora d'un militar. Walker siguió actuando nel cine unos pocos años más, hasta qu'en 1948 decidió retirase.

A finales de la década de 1950 Walker viaxó pel Sur de California dando charres sobre "l'amenaza del comunismu". Ella pertenecía al Club de Muyeres Republicanes de San Marino (California) y foi co-fundadora y presidenta del Tuesday Morning Study Club, que otorgaba, con calter añal, premios a activistes anticomunistes tales como George Putnam, Baxter Ward, Matt Cvetic, Xefe William Parker, el congresista Donald L. Jackson y Jenkin Lloyd Jones. [3]

El 16 d'avientu de 1940 casóse con Jay Etzell Coumbe, col que tuvo una fía, Dayle. Darréu divorcióse y volvióse a casar, nesta ocasión con Tway W. Andrews.

Cheryl Walker finó en 1971, por causa de un cáncer, nel Hospital Huntington Memorial de Pasadena (California). Tenía 53 años d'edá.

Referencies

[editar | editar la fonte]
  1. 1,0 1,1 Afirmao en: Internet Movie Database. Identificador IMDb: nm0907612. Data de consulta: 11 xunetu 2016. Llingua de la obra o nome: inglés.
  2. «idRef» (francés). Agencia Bibliográfica de Enseñanza Superior. Consultáu'l 5 marzu 2020.
  3. Biografía de Cheryl Walker na páxina web de Glamour Girls of the Silver Screen

Enllaces esternos

[editar | editar la fonte]