Cherquesos

De Wikipedia
Saltar a navegación Saltar a la gueta
Grupos étnicos del Cáucasu. En color vieno, na república rusa de Karacháyevo-Cherkesia, apaecen les zones con población circasiana.

Los circasianos, cherquesos o cherqueses son un grupu étnicu del noroeste del Cáucasu, Circasia, que viven principalmente na república rusa de Karacháyevo-Cherkesia, onde componen el 11% de la población. El so idioma ye'l circasiano, que pertenez a la familia Abjasio-Adiguea, tamién llamada familia caucásica noroccidental de les llingües caucásiques.

Los circasianos emigraron dende Cabardia (na actual república rusa de Kabardino-Balkaria) ente 1780 y 1825, estableciéndose nos valles altos de los ríos Zelenchuk y Urup. En 1785, el norte del Cáucasu convirtiérase nuna provincia rusa. Nes grandes guerres territoriales subsiguientes ente Rusia, Persia y Turquía, llibráronse numberosos ya intensos combates na rexón del Cáucasu. Los circasianos opunxeron una llarga resistencia a la dominación rusa y cuando fueron finalmente ganaos en 1864, unos cuatrocientos mil resultaron muertos. Más d'un millón de circasianos tuvieron que fuxir de la tierra de los sos antepasaos y dir a Turquía con tan solo la esperanza de tornar dalgún día (vease Muhayir (Cáucasu)). Según les afirmaciones de munchu historiadores, namái la metá d'ellos llegó a Turquía. Munchos convirtiéronse al islam.


Cherquesos