Catedral d'Alexandre Nevski de Sofía

Coordenaes: 42°41′45″N 23°19′59″E / 42.695839°N 23.332969°E / 42.695839; 23.332969
De Wikipedia
23-04-2020 18:17
Catedral d'Alexandre Nevski de Sofía
Храм-паметник Свети Александър Невски (bg)
catedral y muséu
Llocalización
PaísBandera de Bulgaria Bulgaria
Provincia (es) Traducir Provincia de Sofía-Ciudá
Municipio (es) Traducir Stolichna obshtina (es) Traducir
Distritos (es) Traducir Distrito de Oborishte (es) Traducir
Coordenaes 42°41′45″N 23°19′59″E / 42.695839°N 23.332969°E / 42.695839; 23.332969
Catedral d'Alexandre Nevski de Sofía alcuéntrase en Bulgaria
Catedral d'Alexandre Nevski de Sofía
Catedral d'Alexandre Nevski de Sofía
Catedral d'Alexandre Nevski de Sofía (Bulgaria)
Historia y usu
Apertura1882
Orixe del nome Alejandro Nevski
Relixón Ilesia Ortodoxa
Diócesis ilesia ortodoxa búlgara
Dedicación Alejandro Nevski
Aforu 10 000
Arquiteutura
Arquiteutu/a Alexander Pomerantsev (es) Traducir
Materiales Lladriyu
Estilu arquiteutura neobizantina
Altor 53 m
Anchor 52,2 m
Llargor 73,5 m
Superficie 3170 m²
Web oficial
Cambiar los datos en Wikidata

La Catedral d'Alexandre Nevski (en búlgaru: Свети Александър Невски) ye una obra, asitiada en Sofía, n'honor a los rusos cayíos pola lliberación de Bulgaria del Imperiu turcu ente 1877 y 1878. Ye la catedral sede del Patriarcáu de Bulgaria.

Ye la meyor representación de la construcción ortodoxa nel mundu[ensin referencies], reconocida pola so arquiteutura, frescos y dimensiones. Mide 72 metros de llargu, 42 metros d'anchu y 52 metros d'altu, tien una superficie de 3170 m² y capacidá pa 5.000 persones. Tamién foi testigu de los dos guerres mundiales mientres les que quedó cuasi destruyida.

Coles sos inconfundibles cúpules doraes, ye unu de los edificios más emblemáticos y identificativos de Sofía y ye tambien el principal centru relixosu de la capital.

Empezó a llevantase a finales del sieglu XIX y rematóse en 1912. Ye una muestra de la estrecha rellación ente Rusia y el pueblu búlgaru a lo llargo de la historia, yá que la so construcción fízose pa conmemorar a los rusos cayíos y l'ayuda qu'emprestó'l zar Alexandru II de Rusia na Guerra búlgaro-otomana (1877-1878) y que llevaría a la posterior independencia de Bulgaria.

Cuenta con unes dimensiones de 72 metros de llargu, 42 d'anchu por 52 metros d'altu lo que la convierte nuna de les ilesies ortodoxes más grandes del mundu. El so sobriu interior ta decoráu con frescos y la so cripta cunta con una coleición d'arte antiguu búlgaru dende los sieglos IV al sieglu XIX y tien, amás, una de les mayores y meyores coleiciones d'iconos ortodoxos.

El templu lleva'l nome d'Alexandre Nevski (1220-1263), gobernante del principáu rusu de Novgorod, figura clave na historia medieval rusa pol so defensa del cristianismu ortodoxu frente a los ataques de los católicos, teutones y tártaros. Por too ello, la so figura ye venerada como un santu nel mundu de la Ilesia ortodoxa.

La construcción del templu corrió a cargu del arquiteutu rusu Pomerantsev ya inspiróse nun estilu neobizantín, bien de moda en Rusia nesi periodu.

La ilesia foi proclamada monumentu de la cultura en 1924.

Referencies[editar | editar la fonte]

Enllaces esternos[editar | editar la fonte]