Cake-walk

De Wikipedia
Saltar a: navegación, buscar

Cartel del espectáculu americanu de 1896.

El cake-walk o cake walk ye una danza popular nacida nes plantaciones d'esclavos negros de Virxinia, pa imitar con ironía l'actitú de los sos amos nos bailes. Apaeció hacia 1870, siendo importáu n'Europa hacia 1900 pela vía del music-hall, algamando sonadía, especialmente nel norte de Gran Bretaña, dao que s’asemeyaba abondo con delles dances llariegues. Otros nomes alternativos pa esta forma de danza fueron "chalkline-walk", y "walk-around".

Nel Sur de los Estaos Xuníos, los esclavos disponíen de pocos momentos de folgancia. El domingo, aprovechaben a veces l’ausencia de los amos pa facer vivir lo que-yos quedaba de la so tradición africana. Esos momentos tan raros significaben muncho pa ellos. A veces, los colonos más permisivos asistíen a eses folixes y recompensaben a los meyores danzantes con una pastel, d'ahí vien el nome de cake-walk (« marcha del pastel ») dau a esti tipu de danza sincopada en forma de marcha.

Existe una relación musical bien evidente ente'l cakewalk y el Ragtime, con idénticos antecedentes; de fechu, munchos de los primeros rags yeren, en realidá, cakewalks. Autores como Clayton y Gammond suponen que’l cakewalk existía posiblemente en 1840, pues ta constataoe nesa fecha l'usu de la expresión Take the cake pa referise a un baile de les plantaciones.[1] Sigún estos autores, el ragtime tomaría les sos carauterístiques del cakewalk, y non a la inversa. En cualquier casu, yá en 1877 existía un tema de Dave Braham, bien popular, llamaáu Walking for that cake.

Parexa bailando el cakewalk nuna tarxeta postal de la época.

Sigún descripciones de la dómina,[2] el baile consistía nuna serie de brincos y xiros frenéticos que s’alternaben con lentos desfiles, nos que los bailarines, siempre por parexes, caminaben solemnemente. El primer exemplu de cakewalk grabáu, corresponde al tema At the cakewalk last night (1910) de George Formby.

Claude Debussy compuso en 1908 Golliwogg's cake-walk, pa piano, nel so Children's Corner. Unu de los sos Preludios, tituláu Général Lavine - excentrique, ye igualmente « nel estilu y el movimientut d'un cake-walk » (sigún les palabres de Debussy).

Georges Méliès realizó un film en 1903 tituláu Le Cake-walk infernal poniendo n’escena un grupu de de danzantes practicando’l cake-walk.

Notes[editar | editar la fonte]

  1. Wentworth, Harold & Flexner, Stuart Berg: Dictionary of American Slang, Ed. Cromwell, Nueva York, 1975
  2. Clayton & Gammond: op.ref., pax. 67

Interpretes conocíos[editar | editar la fonte]


Ver tamién[editar | editar la fonte]