CE Bootis

De Wikipedia
Saltar a navegación Saltar a la gueta
CE Bootis
CE Bootis
Constelación Boötes
Ascensión reuta α 14h 54min 29,2s
Declinación δ +16º 06’ 04’’
Distancia 32,0 ± 0,5 años lluz
Magnitú visual +10,20
Magnitú absoluta +10,10
Lluminosidá 0,007 soles
Temperatura 3540 K
Masa 0,35 soles
Radiu 0,5 soles
Tipu espectral M2.5V
Velocidá radial +5 km/s

CE Bootis (CE Boo / GJ 569 / HIP 72944)[1] ye una estrella de magnitú aparente +10,20 asitiada na constelación de Boötes, el pastor de gües. Un sistema binariu de dos nanes marrones —que bien podríen ser trés— orbitan alredor d'esta estrella, asitiada a 32,0 años lluz del Sistema Solar.

CE Bootis (GJ 569 A) ye una nana colorada de tipu espectral M2.5V[1] con una temperatura superficial de 3540 K.[2] Tien un diámetru igual a la metá del diámetru solar[3] y relluma con una lluminosidá que correspuende al 0,7% de la que tien el Sol. La so masa ye de 0,35 ± 0,03 mases solares y tien una edá envalorada de 100 millones d'años.[4] Como munches otres nanes coloraes, ye una estrella acandilante[5] que despide fogarales y sufre aumentos sópitos ya impredicibles nel so rellumu.

Les estrelles conocíes más cercanes a CE Bootis son Ross 52 y DE Bootis, a 5,9 y 7,1 años lluz de distancia respeutivamente.[6]

Sistema de nanes marrones[editar | editar la fonte]

A 5 segundos d'arcu de CE Bootis —equivalente a una separación de 50 UA— alcuéntrase GJ 569 B, un sistema formáu por, siquier, dos nanes marrones, con una masa total de 0,125 mases solares. Esti sistema completa una órbita alredor de CE Bootis cada 500 años aproximao.

De la mesma, GJ 569 B ye una binaria espectroscópica con un periodu de 876 díes, siendo la separación ente dambos oxetos de 0,89 UA. Estudios espectroscópicos y fotométricos suxuren qu'esta binaria ye en realidá un sistema triple formáu por trés nanes marrones práuticamente iguales —dos d'elles bien próximes ente sigo—, caúna d'elles con una masa averada de 0,04 mases solares.[4]

Referencies[editar | editar la fonte]