Cándido Saseta Echebarría

De Wikipedia
Saltar a navegación Saltar a la gueta
Cándido Saseta Echebarría
Kandido saseta 01.jpg
Vida
Nacimientu Hondarribia13  d'avientu de 1904
Nacionalidá Bandera d'España España
Fallecimientu

Les Regueres23  de febreru de 1937

(32 años)
Causa de la muerte mancada por arma de fueu
Oficiu
Oficiu militar
Serviciu militar
Cuerpu militar Euzko Gudarostea Traducir
Graduación capitán
Lluchó en Guerra Civil Española
Guerra del Rif
Cambiar los datos en Wikidata

Cándido Saseta Echebarría (13  d'avientu de 1904Hondarribia - 23  de febreru de 1937Les Regueres) foi un militar vascu del exércitu de la República española siendo organizador de les milicies nacionalistes vasques durante la Guerra civil española.

Militar guipuzcoanu, ñació n'Hondarribia el 12 d'avientu de 1904. Del Institutu de San Sebastián pasó a los 15 años a l'Academia Militar d'Intendencia d'Ávila. Al entamar l'alzamientu militar de xunetu de 1936 yera capitán d'Intendencia de la guarnición de Vitoria. Fiel a la llegalidá republicana, sumóse a la columna qu'al mandu de Pérez Garmendia, partió pa Vitoria.

Nomáu xefe militar de la Comandancia d'Azpeitia, participó na creyación del "Euzko Gudarostea" o Milicies Vasques (nacionalistes). Lluchó al cargu d'estos gudaris (milicianos vascos), pero n'inferioridá de condiciones, na retirada republicana a traviés de Guipúzcoa. Foi ún de los creyadores de la llinia que, dende Lekeitio hasta Otxandio, llogró frenar l'avance de les brigaes nacionales. En xineru de 1937 foi nomáu Comandante d'"Euzko Gudarostea". En febreru d'esi mesmu añu foi unviáu al frente d'Asturies como xefe d'una de les dos brigaes que formaben la espedición vasca que collaboró na ofensiva gubernamental contra Uviéu y el pasiellu Grau. Nesti frente, na parroquia d'Areces (Les Regueres), alcontró la muerte'l 23 de febreru cuando se retiraba d'una posición que taba recibiendo un fuerte contrataque del enemigu. Ún de los batallones nacionalistes vascos llevó'l so nome.

Enllaces esternos[editar | editar la fonte]