Boran

De Wikipedia
Saltar a navegación Saltar a la gueta
Boran
BorandukhtCoinHistoryofIran.jpg
monarca

Vida
Nacimientu 590
Fallecimientu

Ctesifonte Traducir632

(41/42 años)
Familia
Padre Cosroes II
Madre Maria
Casáu/ada con Sharvaraz Traducir
Fíos/es
Hermanos/es
Pueblu House of Sasan Traducir
Oficiu
Oficiu política
Creencies
Relixón Zoroastrismu
Cambiar los datos en Wikidata

Boran (según les fontes clásiques) o Purandokht foi xunto cola so hermana y socesora Azarmedukht[1] una de los dos reines del Imperiu sasánida y una de los 14 gobernantes que s'asocedieron en namái 5 años, fía mayor de Cosroes II.[2][1][3] Reinó ente los años 630 y 631,[2][3] (otres versiones: 629-630;[4] 629-631[5]) tres la muerte del xeneral Sharvaraz, ya intentó restablecer la paz nel convulsu imperiu per aciu l'aplicación más rigorosa de la xusticia, la reconstrucción de les infraestructures y la baxada de los impuestos; pesie atolos sos esfuerzos nun consiguió centralizar el poder na realeza, amenorgáu poles guerres civiles, y el so reináu pasó a la hestoria como caóticu.[1]

Poco dempués sume de los testos, nun sabiéndose cómo morrió, si abdicó o foi asesinada.[1] Ye recordada por haber roblao un tratáu de paz col emperador bizantín Heracles, dando fin mientres un tiempu a una serie de xabaces guerres;[6][3] pa ello unvió una delegación nel añu 630 a Alepo, formada por altos dignatarios de la católica Ilesia del Este (depués llamada nestoriana, una de les antigües Ilesies orientales), llideraos pol patriarca Ishoyahb II.[7]

El gran poeta persa Ferdousí fala de la reina nel so poema épicu Shahnameh (El llibru de los reis) como dada a alicar la memoria y el prestíu del so padre, que baxo'l so gobiernu, l'Imperiu Sasánida consiguió la so mayor estensión territorial.

Inda güei da nome a un grupu de platos de cocina (borani) basaos nel yogur, por cuenta de la so afición a les comíes tresnaes con yogur y verdures, qu'encargaba a los cocineros reales.[8]

Referencies[editar | editar la fonte]

  1. 1,0 1,1 1,2 1,3 Neusner, Jacob; A history of the jews in Babylonia v. later sassanian times, pag. 118. Ed. Brill Archive.
  2. 2,0 2,1 Cavendish, Marshall; World and Its Peoples: The Middle East, Western Asia, and Northern Africa, psg. 470. Ed. Cavendish Marshall (2006). ISBN 978-0-7614-7571-2.
  3. 3,0 3,1 3,2 D. J. Paruck, Furdoonjee; Sasanian coins, pag. 117. Ed. Indological Book Corp (1976).
  4. Bunson, Matthew; A dictionaru of the Roman Empire, pag. 376. Ed. Oxford University Press US (1995). ISBN 978-0-19-510233-8.
  5. G Sayles, Wayne; Ancient coin collecting VI: No-classical cultures. Ed. Klause Publications (1999). ISBN 978-0-87341-753-2.
  6. Farrokh, Kaveh, y McBride, Angus; Sassanian elite cavalry AD 224-642, pag. 63. Ed. Osprey Publishing (2005). ISBN 978-1-84176-713-0-
  7. W. Winkler, Dietmar, y Baum, Wilheim; The Church of the East: a concise history, pp 40-41. Ed. Routledge (2003). ISBN 978-0-415-29770-7.
  8. Walker, Harlan; Milk: beyond the dairy: proceedings of the Oxford Symposium on Food and Cookery 1999, p.66. Ed. Prospect Books (2000). ISBN 978-1-903018-06-4.

Enllaces esternos[editar | editar la fonte]

Ver tamién[editar | editar la fonte]


Predecesor:
Sharvaraz
Rei del Imperiu sasánida
17 de xunu de 629 – 16 de xunu de 630
Socesor:
Sapor V
Predecesor:
Azarmedukht
Rei del Imperiu sasánida
631-632
Socesor:
Yazdgerd III


Artículu revisáu