Birmingham (Alabama)

De Wikipedia
Saltar a navegación Saltar a la gueta
Blue globe icon.svgBirmingham
Birmingham's skyline from it's highest point.jpg
Flag of Birmingham, Alabama.svg
Alministración
PaísBandera de Estaos Xuníos d'América Estaos Xuníos
EstaosFlag of Alabama.svg Alabama
Condáu condáu de Jefferson
Tipu d'entidá ciudá de los Estaos Xuníos
Cabezaleru/a del gobiernu Randall Woodfin
Nome oficial Birmingham
Nome llocal Birmingham
Códigu postal 35201
Xeografía
Coordenaes 33°31′29″N 86°48′46″O / 33.524755°N 86.81274°O / 33.524755; -86.81274Coordenaes: 33°31′29″N 86°48′46″O / 33.524755°N 86.81274°O / 33.524755; -86.81274
Birmingham (Alabama) alcuéntrase en los EE.XX.
Birmingham (Alabama)
Birmingham (Alabama)
Birmingham (Alabama) (los EE.XX.)
Jefferson County Alabama Incorporated and Unincorporated areas Birmingham Highlighted.svg
Superficie 384.944955 km²
Altitú 196 m y 187 m
Llenda con Bessemer (es) Traducir
Demografía
Población 212 237 hab. (1 abril 2010)
Porcentaxe 100% de condáu de Jefferson
Densidá 551,34 hab/km²
Viviendes 108 981 (1 abril 2010)
Más información
Fundación 1871
Prefixu telefónicu 205
Estaya horaria UTC−06:00
Llocalidaes hermanaes Rosh HaAyin (es) Traducir, Anshan (es) Traducir, Cobán (es) Traducir, Maebashi (es) Traducir, Pilsen, Pomigliano d'Arco (es) Traducir, Székesfehérvár (es) Traducir, Vínnytsia y Gweru (es) Traducir
birminghamal.gov
Cambiar los datos en Wikidata
Birmingham (Alabama).

Birmingham ye una ciudá del estáu estauxunidense d'Alabama, asitiada na fastera centruseptentrional d'esti. Ye, colos sos 209.880 habitantes (estimación de población pa 2018 del U.S. Census Bureau), la más poblada del estáu. La so área metropolitana, l'área estadística metropolitana Birmingham-Hoover, tien una población de 1.151.801 habitantes, que faen d'ella la mayor del estáu y la 49ª mayor de los Estaos Xuníos. La ciudá, que ye la sé alministrativa del condáu de Jefferson, ye un importante nudu rexonal de comunicaciones d'esta fastera del país.

La ciudá foi fundada en 1871, na dómina de la nomada Reconstrucción, la etapa que siguió a la guerra civil, pola fusión de trés pueblos agrícolas. La nueva ciudá recibió'l nome de la ciudá inglesa homónima, la segunda mayor d'Inglaterra d'aquella y un centru industrial perimportante. La nueva ciudá foi anexionándose los pueblos vecinos, y convirtiose nún centru industrial perimportante, rescamplando ente les sos actividaes económiques la minería, la industria siderúrxica (fierro y aceru) y la del ferrocarril (víes, trenes). Pa consiguilo aprovechó la ventaxa competitiva de los sos baxos salarios: los trabayadores non sindicaos, d'orixe italianu ya irllandés xunta inmigrantes de los pueblos del estáu y xente de raza negra, cobraben menos que los sos compañeros de les ciudaes industriales del Noreste y el Mediu Oeste. De magar la so fundación, y hasta'l final de la década de 1960, Birmingham foi ún de los principales centros industriales, xunto con Atlanta, del sur del país. La so rápida medría ente 1881 y 1920 valió-y los nomatos de "The Magic City" (Ciudá Máxica) y "The Pittsburgh of the South" (La Pittsburgh del sur, en referencia a esa ciudá industrial del noreste del país). La economía entamó a diversificase na segunda metá del sieglu, cuando entamaron a pesllar les factoríes siderúrxiques. De resultes, los sectores bancariu, de telecomunicaciones, llétricu, del tresporte, sanitariu, educativu y de seguros tienen convertíose nes principales actividaes económiques de la ciudá, que ye ún de los principales centros bancarios del país y ún de los más importantes centros de negocios del Sureste.

El sector de la educación superior ta bien representáu na ciudá. Nella asítiense, de magar 1947, la Facultá de Medicina y la Facultá d'Odontoloxía de la Universidá d'Alabama, y desde 1969 ún de los trés campus del sistema universitariu públicu del estáu tien la so sé na ciudá. Hai, tamién, trés universidaes privaes: la Universidá Samford, la Universidá Birmingham-Southern y el Miles College.

Enllaces esternos[editar | editar la fonte]