Biodiversidad Virtual

Biodiversidad Virtual
Tipu	organización
N'asturianu	Non

Biodiversidad Virtual (BV) ye una web cooperativa xestionada pola asociación española «Fotografía y Biodiversidad» (FyB) na que participen miles d'usuarios de mou habitual, dedicada a la captación y almacenamientu d'imáxenes referenciaes xeográficamente d'elementos y aspeutos naturales (principalmente seres vivos) de grandes árees terrestres, que tán empuestes a catalogar y describir la composición biolóxico y xeolóxico de numberosos ecosistemes. Nella participen de mou altruista un nutríu grupu d'espertos qu'identifiquen les semeyes d'especies y procesos que xuben los usuarios.

En BV esisten anguñao más d'un millón d'imáxenes atroxaes, apurríes por un total de 2.866 usuarios rexistraos, alcontraes principalmente na Península Ibérica, anque progresivamente incorpórense semeyes a nueves bases de datos de toles rexones bioxeográfiques terrestres.^[1]

Ente les funciones y oxetivos de BV atópense fomentar l'estudiu de la naturaleza y los sos procesos, crear una conciencia en tola sociedá sobre'l caltenimientu y la conocencia de la redolada, realización d'actividaes educatives, científiques, divulgatives, etc., rellacionaes cola naturaleza, collaborar con entidaes con fines rellacionaos colos de BV, llevar a cabu un catálogu d'imáxenes pa carauterizar xeográficamente les comunidaes de seres vivos y entamar estudios científicos sobre la ecoloxía d'un ampliu espectru de biomes y sobre la taxonomía de los distintos grupos biolóxicos presentes nellos, etc.

Historia

Fotografiando insectos nel Parque nacional de les Tables de Daimiel (España) nel primer Testing de Biodiversidá fechu nel parque

El xerme de BV foi la web Insectarium Virtual creada en 1995 por un grupu de collaboradores, que foi creciendo hasta incorporar en 2007 la segunda galería n'importancia y antigüedá de BV, y qu'adulces incorporaron más galeríes hasta convertise en Biodiversidad Virtual, en 2008, con tolos bancos taxonómicos y proyeutos que lu conformen anguaño.^[2] En 2010 créase una asociación ensin ánimu d'arriquecimientu, d'ámbitu nacional, que s'encargaría dende esi momentu de xestionar tolo rellacionao cola alministración, la xestión económica, la coordinación de voluntarios y collaboradores, etc., de la web BV.

Galeríes

BV estructúrase en bases de datos almacenaes nos sirvidores de FyB que s'amuesen de cara al públicu en galeríes d'imáxenes de los distintos grupos biolóxicos, xeolóxicos, etc. Distribúise en carpetes de trabayu qu'esperen a ser identificaes y en bancos taxonómicos, coles semeyes yá ordenaes y arrexuntaes por especies y restu de xerarquíes taxonómiques.

Proyeutos

En BV desenvuélvense distintos proyeutos empuestos a implementar los distintos campos y aspeutos de BV o a amontar y animar a la escoyeta d'imáxenes o al estudiu ecolóxicu de determinaos enclaves.

Testings de Biodiversidá: Xuntes y sesiones fotográfiques con cuenta de catalogar y cartografiar distintes redolaes dende tolos aspeutos medioambientales que son trataos en BV.^[3]
Revista dixital BV news: Edición d'una revista divulgativa de la que s'editaron dixitalmente hasta'l momentu 7 númberos.
Taxofoto: Edición dixital de guíes d'identificación de los distintos grupos biolóxicos catalogaos en BV; hasta la hora ficiéronse 47 d'Invertebraos, 6 de Vertebraos y 22 de Plantes.
Videotaxo: Escoyeta y almacenamientu de videos d'especies y procesos. Hasta'l momentu hai arrexuntaos en BV, 70 videos.
Dicciotaxo: Glosariu de términos utilizaos en BV.
Wanted: Pidimientos de fotografíes de determinaes especies consideraes rares na Península Ibérica.
Puntos BV: Collaboración al traviés de convenios ente BV y entidaes nel territoriu con cuenta de catalogar y describir les comunidaes biolóxiques de les sos redolaes más próximes.^[3]
BV news Publicaciones Científiques: Revista dixital con vocación científica editada por BV.

Asociación Fotografia y Biodiversidá

L'asociación Fotografia y Biodiversidá naz en 2010 con aproximao 300 socios, práuticamente los usuarios más habituales de BV, con cuenta de xestionar y alministrar los recursos d'esta web. Esta entidá ñaz, dende los denominaos socios fundadores, pa xestionar y alministrar los recursos de BV. Nel añu 2014 celébrase la cuarta asamblea ordinaria de socios, que cada añu faise nun enclave distintu de la xeografía española.

Referencies

Enllaces esternos

[1] ttp://www.biodiversidadvirtual.org/micro/memberlist.php

[2] Biodiversidad Virtual cumple 5 años

[A-3] 3,0 ^3,1 Nuevo punto de la Plataforma Biodiversidad Virtual en Graus

[1]

[2]

[3]