Biblioteca de la Xunta Xeneral del Principáu d'Asturies

De Wikipedia
Saltar a navegación Saltar a la gueta
Biblioteca de la Xunta Xeneral
biblioteca y biblioteca principal (es) Traducir
BIBLIOTECA1.jpg
Llocalización
PaísFlag of Spain.svg España
AutonomíaFlag of Asturias.svg Principáu d'Asturies
ConceyuUvieu flag.svg Uviéu
Coordenaes 43°21′41″N 5°50′50″O / 43.3613°N 5.84721°O / 43.3613; -5.84721Coordenaes: 43°21′41″N 5°50′50″O / 43.3613°N 5.84721°O / 43.3613; -5.84721
Biblioteca de la Xunta Xeneral del Principáu d'Asturies alcuéntrase n'Asturies
Biblioteca de la Xunta Xeneral del Principáu d'Asturies
Biblioteca de la Xunta Xeneral del Principáu d'Asturies
Biblioteca de la Xunta Xeneral del Principáu d'Asturies (Asturies)
Web oficial
Cambiar los datos en Wikidata

La Biblioteca de la Xunta Xeneral del Principáu d'Asturies ye una biblioteca que forma parte de la estructura alministrativa de la Xunta Xeneral del Principáu d'Asturies (Parllamentu asturianu). Ta integrada nun serviciu denomináu de Biblioteca, Documentación y Archivu. Ente les sos funciones destaquen la organización del fondu bibliográficu, del archivo de la Cámara y la compilación documental necesaria pal desarrollu de les competencies llexislatives y de control al gobiernu mesmes del parllamentu.

La Comunidá Autónoma del Principáu d'Asturies tuvo estatutu d'autonomía propiu pola Llei orgánica 7/1981, de 30 d'avientu.[1] Según la Llei orgánica'l parllamentu asturianu recibe la denominación de Xunta Xeneral del Principáu d'Asturies (d'equí p'arriba Xunta Xeneral o Parllamentu d'Asturies). El nome vien de una histórica institución rexonal que foi subsistió dende'l final de la Edá Media hasta la organización provincial del Estáu escontra 1835, fecha na que foi sustituyida pola Diputación Provincial que, de la mesma quedó eslleida cuando l'Estatutu d'Autonomía creó la Comunidá Autónoma. La esistencia d'esi antecedente fixo que la Xunta Xeneral rinda homenaxe a la so predecesora editando los documentos históricos curiaos nel Archivu Históricu d'Asturies.

Competencies del Serviciu de Biblioteca, Documentación y Archivu[editar | editar la fonte]

Coronando la fachada principal del Palaciu de la Xunta Xeneral apaecen alegoríes de la Industria y les Lletres, n'obra de Victor Hevia cuando l'edificiu llevantóse como sede de la estinguida Diputación Provincial.
  • Caltenimientu del fondu bibliotecariu *

Xestión de les bases de datos documentales internes y esternes

  • Organización del archivu de la Cámara *

Ellaboración de documentos informativos pa l'actividá parllamentaria * Espardimientu selectivu d'información pa grupos parllamentarios y diputaos

  • Atención a usuarios esternos ya investigadores
  • Edición de publicaciones de calter históricu *

Programación d'actividaes culturales

Instalaciones y recursos materiales y humanos[editar | editar la fonte]

El parque de San Francisco d'Uviéu caltién l'alcordanza de lo que foi aquel espaciu cola figura del monxu franciscanu.

El palaciu de la Xunta Xeneral, onde s'asitia la sala de llectura, foi construyíu a fines del sieglu XIX como sede de la Diputación Provincial d'Uviéu. Pa dotase d'edificiu propiu utilizó los terrenes del desamortizado conventu de San Francisco, que, magar les crítiques de la comunidá cultural, foi baltáu. La edificación foi encargada al arquiteutu provincial Nicolás García del Rivero.[2]Dende 1910 el nuevu Palaciu y les cais axacentes que se diseñaron, según el parque San Francisco d'Uviéu, antigua güerta conventual, marcaron la crecedera de la ciudá burguesa, xuniendo la parte vieya de Cimadevilla a la nueva estación del ferrocarril de la Renfe. La exa Uría-Fruela acabó siendo'l centru d'Uviéu.

Sala de llectura del Palaciu de la Xunta Xeneral[editar | editar la fonte]

Pal desarrollu de les sos funciones dispón el serviciu nel que s'integra la Biblioteca de dos sedes. La citada sala de llectura ta allugada nel Palaciu del Parllamentu y ocupa parte del llateral de la planta primera que da al parque San Francisco d'Uviéu.

Foi abierta como espaciu pal trabayu de diputaos y personal nos años ochenta del pasáu sieglu, apenes empecipiada l'andadura de la Cámara rexonal. Naquel momentu los fondos bibliográficos más señalaos fueron los adquiríos pa dar cobertoria al trabayu parllamentariu. Derechu parllamentariu, derechu comparáu, boletinos y diarios d'otros parllamentos, títulos de revistes especializaes y hestoria del derechu. Depués foise arriqueciendo con coleiciones diverses y les monografíes actualizaes de les temes d'interés pa la función llexislativa y de control ya impulsu del gobierno que ye clave na Xunta Xeneral.

Depués la medría del material disponible fixo necesaria la instalación de les coleiciones y repertorios en depósitos bibliográficos. Ello foi posible col nuevu edificiu alministrativu onde'l serviciu de Biblioteca, Documentación y Archivu atopó nuevos espaciu pa despachos, sala de consulta y depósitos tantu para desafuego de la Biblioteca como pa la crecedera del Archivu.

En la sala de llectura queden agora instalaos los fondos bibliográficos de monografíes recién entamaes nes árees principales de derechu constitucional, alministrativu, filosofía del derechu, xurisprudencia, hestoria y ensayos de calter políticu. La sala de llectura ta abierta tol día pa los usuarios internos y dispón de personal d'atención direuta peles mañanes. Entamada en planta baxa y corredor dispón d'una docena de puestos de consulta.

Nos años noventa del pasáu sieglu XX el Palaciu foi llargamente remocicáu p'afaelo a l'actividá d'un parllamentu modernu y pa correxir serios defectos estructurales. A midida que la Xunta Xeneral foi adquiriendo entidá y afaciendo el so trabayu a los nueves teunoloxíes viose la imposibilidá de que'l formosu edificiu pudiera con tou. Cola adscripción d'un inmueble público y cercano p'agospiar l'alministración del Parllamentu, el Palaciu quedó acutáu pa l'actividá parllamentaria, llugar de trabayu de los diputaos, de los grupos parllamentarios, llugar de celebración de les comisiones y los plenos.

Archivu del Parllamentu[editar | editar la fonte]

L'edificiu qu'alluga les dependencies alministratives del Parllamentu asturianu ta asitiáu en callar Cabu Noval. Foi construyíu en 1932 y rehabilitáu a principios del sieglu actual.

Nel nuevu edificiu alministrativu de la Xunta Xeneral, onde s'alluguen los despachos de los servicios y personal del parllamentu asturianu, dispón el serviciu de Biblioteca, Documentación y Archivu d'unos espacios amplios na planta baxa.

El edificiu alministrativu de la Xunta Xeneral atópase allugáu na cai Cabu Noval, próxima al Palaciu de la Xunta Xeneral. L'inmueble fuera construyíu en 1932 pol destacáu arquiteutu avilesín Julio Galán Carvajal,[3] padre del tamién pernomáu arquiteutu Julio Galán Gómez, nuna de les cais trazaes redolada al Palaciu de la Xunta Xeneral allegantes al parque San Francisco. Esti edificiu fuera sede de la Cámara de la Propiedá y foi adscritu al Parllamentu nel añu 2005.

La planta baxa queda destinada a les oficines y a los trés depósitos del Archivu de la Cámara, espacios a los que s'añedir dos depósitos bibliográficos, zona de revistes y sala de consulta, dotaos del moblame fayadizu.

Pa les sos funciones el serviciu cunta con un total de seis funcionarios, de los que dos son téunicos archiveros-bibliotecarios. Pa la edición de publicaciones de calter históricu vienen convocándose dacuando beques de collaboración. Amás el serviciu, xuntu al restu de l'alministración parllamentaria, participa na atención a práutiques de formación al amparu del Conveniu de Cooperación educativa[4] robláu ente la Xunta Xeneral y la Universidá d'Uviéu en xunu del 2013 lo qu'implica la presencia frecuente d'estudiantes universitarios.

Naturalmente'l trabayu de xestión bibliotecaria y archivística, según la esplotación de bases documentales ye posible pola dotación de material informático y de programes específicos que faciliten la comunicación y l'espardimientu del trabayu al traviés de la web del Parllamentu.

Xestión y espardimientu de los fondos[editar | editar la fonte]

La información n'abiertu qu'ufierta la Biblioteca y l'Archivu de la Xunta Xeneral al traviés de la web de la institución ye cada vez mayor. Nel apartáu de la web de la Xunta Xeneral del Principáu d'Asturies[5] dedicáu al serviciu pueden atopase les normes d'usu de la Biblioteca[6] y del Archivu;[7]la guía del serviciu[8] y la de los fondos del archivu.[9] Nel estremáu Biblioteca y Documentación puede aportase a documentación periódica sobre llexislación, boletinos de sumarios o información d'alquisiciones bibliográfiques, amás d'otres escoyetes de materiales informativos como documentación pa l'actividá llexislativa de la Cámara. Ta disponible amás l'accesu al catálogu xeneral de la biblioteca[10] según a les publicaciones de calter históricu que se realicen. Nel apartáu del Archivu, amás d'informes y documentos especiales y de los fondos de la disuelta institución del Procurador Xeneral, puede aportase al documentu orixinal digitalizado y transcrito, aptu p'audición, de la "Carta de Xovellanos al Marqués de Camposagrado sobre'l blasón del Principáu d'Asturies".[11]

Tratamientu bibliografíco, archivísticu y documental[editar | editar la fonte]

Ye norma siguir les regles establecíes pa la descripción de los rexistros bibliográficos, lo qu'asegura la posibilidá d'intercambiu y un meyor control y divulgación. la disponibilidad d'un software específicu d'usu habitual dotáu d'un OPAC d'accesu públicu doten de proyeición al conteníu del serviciu. L'actualización permanente de les normes de catalogación tendentes al intercambiu ensin fronteres de la información fai que seya d'usu xeneral el formatu MARC21 con adautación nacional.

Nel casu del Archivu la fase de transición del archivu tradicional en papel al archivu electrónicu, que ye daqué más que'l documentu electrónicu, ta motivando cambeos non solo nel tratamientu documental sinón na forma de trabayu, yá que consensos n'ámbitos supranacionales obliguen a rápides adautaciones, como lo demuestren los proyeutos en cursu amparaos pola alministración del Estáu y la normativa en constante cambéu.[12]

Proyeutos de collaboración[editar | editar la fonte]

Tien particular importancia'l conveniu de collaboración[13] suscritu nel añu 2007 ente la Xunta Xeneral y la Conseyería de Cultura del Principáu d'Asturies pal usu y edición de los fondos de la histórica Xunta Xeneral curiaos nel Archivu Históricu d'Asturies.

Resulta fundamental, dientro de les competencies propies del serviciu, la collaboración con otros parllamentos. Esta realízase pal casu de la Biblioteca por aciu la integración en Rede Parlamenta y pal Archivu na collaboración al traviés del SPP-ICA, Grupu Español d'Arquivos Parllamentarios[14] integráu nel International Council on Archives.[15]

Referencies[editar | editar la fonte]

  • «Llei Orgánica 7/1981, de 30 d'avientu. BOE.es - Documentu consolidáu BOE-A-1982-634». Consultáu'l 16 de febreru de 2016.
  • «Nicolás García del Rivero». Consultáu'l 16 de febreru de 2016.
  • «Julio Galán Carvajal». Consultáu'l 16 de febreru de 2016.
  • «Conveniu de Cooperación educativa (2013)». Consultáu'l 24 de febreru de 2016.
  • «Biblioteca y documentación - Xunta Xeneral del Principáu d'Asturies». Consultáu'l 24 de febreru de 2016.
  • «Normes d'usu de la Biblioteca (1992)». Consultáu'l 24 de febreru de 2016.
  • «Archivu+de+la Xunta Xeneral.pdf/3d125a92-71a1-4543-9286-y09bd1a0dabb Normes pa organización y usu del Archivu (1992)». Consultáu'l 24 de febreru de 2016.
  • «Biblioteca.pdf/97895226-cb86-4047-a9y1-9af6b0ade9a4 Guía del Serviciu. Biblioteca (2012)». Consultáu'l 24 de febreru de 2016.
  • «Archivo. Guía de fondos y servicios (2014)». Archiváu dende l'orixinal, el 8 d'abril de 2015. Consultáu'l 24 de febreru de 2016.
  • «Catálogu de la Biblioteca». Consultáu'l 24 de febreru de 2016.
  • «Carta de Xovellanos sobre'l blasón d'Asturies». Consultáu'l 24 de febreru de 2016.
  • «Códigu d'Alministración Electrónica (febreru de 2016)». Consultáu'l 24 de febreru de 2016.
  • «Conveniu pal usu de fondos históricos». Consultáu'l 24 de febreru de 2016.
  • «Blogue de SPP- ICA español». Consultáu'l 24 de febreru de 2016.
  • «ICA (International Council on Archives)». Consultáu'l 24 de febreru de 2016.