Betty Boyd

De Wikipedia
Saltar a navegación Saltar a la gueta
Betty Boyd
Betty Boyd35mm film frames.svg
Betty Boyd Hartsook 1.jpg
Vida
Nacimientu Kansas City11  de mayu de 1908
Nacionalidá Bandera de Estaos Xuníos d'América Estaos Xuníos
Fallecimientu

Los Angeles16  de setiembre de 1971

(63 años)
Causa de la muerte enfermedá
Oficiu
Oficiu actriz y actriz de cine
IMDb nm0101706
Cambiar los datos en Wikidata

Betty Boyd (11  de mayu de 1908Kansas City - 16  de setiembre de 1971Los Angeles) foi una actriz cinematográfica estauxunidense que trabayó nos entamos de Hollywood, principalmente nel cine mudu de los últimos años venti y en películes de serie B de los años trenta.

El so verdaderu nome yera Elizabeth Boyd Smith, y nació en Kansas City, Missouri. Boyd treslladóse a Hollywood a mediaos de los años venti con cuenta de faer una carrera como actriz. El so primer papel, ensin apaecer nos títulos de creitu, foi nel filme de 1927 The Show (El palaciu de les maravíes), protagonizáu por John Gilbert y Lionel Barrymore. El primer papel con reflexu nos creitos llegó esi mesmu añu en Off Again, al pie de Jack Lloyd. En 1929 Boyd trabayó en tres películes, y fixo un cuartu papel ensin acreitar, y amás foi escoyida como una de los trelce WAMPAS Baby Stars, en compañía d'actrices como Josephine Dunn, Sally Blane, y la futura lleenda de Hollywood Jean Arthur.

1930 foi'l meyor añu de la so carrera. Esi añu trabayó n'ocho películes, en toes elles acreitada, y tuvo ésitu na transición al cine sonoru. En 1931 intervieno namái en dos filmes, Ex-Sweeties y Maid To Order, al igual qu'en 1932, mientres el cual tuvo un papel secundariu en An Old Gypsie Custom y un papel ensin creitos en A Modern Hero. Al añu siguiente la so carrera podía dase como rematada, anque inda actuó en dos causes más a finales de los años cuarenta, la postrera de les cualos, ensin creitos, foi en Sansón y Dalila.

Tuvo casada con Charles N. Over Jr., matrimoniu qu'acabó en divorciu. Finó en 1971, en Los Angeles, California.

Enllaces esternos[editar | editar la fonte]