Beluchistán

De Wikipedia
Saltar a navegación Saltar a la gueta
Beluchistán
Situación
Major ethnic groups of Pakistan in 1980 borders removed.jpg
Tipu rexón xeográfica
Coordenaes 28°53′00″N 64°25′00″E / 28.883333°N 64.416667°E / 28.883333; 64.416667Coordenaes: 28°53′00″N 64°25′00″E / 28.883333°N 64.416667°E / 28.883333; 64.416667
Beluchistán is located in World
Beluchistán
Beluchistán
Beluchistán (World)
Datos
Cambiar los datos en Wikidata

Beluchistán (en llingua balochi بلوچستان, la tierra los baloch) ye una rexón desértica y montañosa de la meseta iranina, nel suroeste d'Asia. Compriende'l suroeste de Paquistán, el sudeste d'Irán y una pequeña parte del suroeste d'Afganistán. La parte meridional de Beluchistán ye conocida pol so nome históricu, Makrán. Ocho millones de balochi viven en Pakistán, y otru millón n'Irán, en tierres mayormente desértiques; unos 100.000 viven n'Afganistán, y unos 30.000 más en Turkmenistán.

Beluchistán recibe'l so nome de les tribus Baloch qu'habiten la rexón y tienen el balochi como la so llingua nativa. El persa, el pashtu y l'urdu son usaes como segundes llingües en delles zones, mentanto que la llingua brahui ye falada pola minoría Brahui.

Xeografía[editar | editar la fonte]

Los llendes xeográficos de Beluchistán son:

  • Al nordeste les montañes de Sulaimán, que-y faen de llende col Punjab. Esta cordelera montañosa, en forma d'arcu, tien el so cumal nel picu Kalifat (3.497 m), al este de Quetta, y ábrese dempués, al traviés del puertu de Bolan, llugar tradicional de pasu de les caravanes que viaxaben d'Oriente Mediu al subcontinente indiu, hacia la llanada de Kacchi.
  • Al sudeste la cordelera de Khistar, que s'estiende hasta'l desiertu de Makrán, qu'ocupa la zona costera del golfu d'Omán.
  • Al este Karachi, ciudá que foi la primer capital de Pakistán.

Historia[editar | editar la fonte]

Les evidencies más antigües d'ocupación humana no qu'anguaño ye Beluchistán remóntense al paleolíticu, representáu por campamentos de cazadores y ferramientes de piedra. Los asentamientos más antiguos remóntense al neolíticu cerámicu (7000-6000 e.C.), y inclúin l'asentamientu de Mehrgarh, na llanura de Kachi. Nel calcolíticu eses aldees ficiéronse más grandes de resultes del desarrollu del comerciu tanto de productos ellaboraos (cerámica) como de materies primes. Pal 2500 e.C., na edá del Bronce, la rexón taba dientro la cultura Harappan. p Del sieglu I al III la rexón taba dirixida polos Pāratarājas (reis pārata), una dinastía de reis indo-partos o indo-escites que parez que correspuenden colos Pāratas qu'apaecen mencionaos nel Mahabharata, los Puranas y otros escritos védicos ya iraninos contemporáneos. La efixie de los reis pārata aportó a nosotros al traviés de les sos monedes. Nelles representábase, nuna cara, el bustu del rei, y n'otra una esvástica dientro d'una lleenda circular, escrita en brahmi nes monedes de plata y en kharoshthi nes de cobre. La mayoría d'eses monedes alcontráronse cerca Loralai, nel oeste del actual Pakistán.

Mapa de la rexón en 1904. En mariellu, Beluchistán.

La rexón foi islamizada nel sieglu IX, y convirtióse en parte del territoriu de los safárides de Zaranj. Estos foron sustituyíos polos gaznávides y los góridos. En 1749 Ahmad Shah Durrani incorporó la zona al imperiu afghanu. Nueve años después, en 1758, el Kan de Kalat Mir Noori Naseer Khan Baloch rebelose escontra elli y lliberó a Beluchistán, qu'algamó la so independencia. La fastera occidental foi invadida por Irán nel sieglu XIX, afitándose la llende ente los dos estaos en 1871. Yá yera la dómina, por embargu, del protectoráu británicu, que determinó que les tierres de Beluchistán nun se convirtieran, como pretendíen los nacionalistes balochi, nún estáu independiente cuando ellos colaron de la rexón. De magar la independencia de Pakistán, hubo trés revueltes nacionalistes, que tentaron, ensin consiguilo, espulsar al exércitu pakistanín pa recuperar la independencia de la rexón.

División alministrativa[editar | editar la fonte]

La rexón ta alministrativamente dividida ente trés países: Pakistán, Afganistán ya Irán. La parte mayor correspuénde-y a Pakistán, y la so capital ye la ciudá de Quetta; otres ciudaes importantes nel Beluchistán pakistaní son Gwadar, Turbat, Khuzdar, Sibi y Kalat. Tanto Pakistán como Irán refuguen los argumentos de los nacionalistes balochi y consideren les fasteres beluchistantes embaxo'l so control como parte indivisible del so territoriu.

La fastera septentrional, que foi colocada pol Imperiu británicu dientro d'Afganistán pa debilitar la fuercia de los balochi, inclúi el distritu Chahar Burjak de la provincia de Nimruz y el desiertu de Registán dientro de les provincies d'Helmand y Kandahar.