Becrux

De Wikipedia
Saltar a: navegación, buscar
Becrux
Becrux A
Constelación Crux
Ascensión reuta α 12h 47min 43,2s
Declinación δ -59° 41’ 19’’
Distancia 280 años lluz
Magnitú visual +1,30
Magnitú absoluta -3,92
Lluminosidá 19.600 soles (bolométrica)
Temperatura 27.000 K
Radiu 7 soles
Masa 14 soles (aprox)
Tipu espectral B0.5IV
Velocidá radial +15,6 km/s

Becrux o Mimosa son nomes que recibe la estrella Beta Crucis (β Cru / HD 111123 / HR 4853),[1] la segunda más brillosa na constelación de la Cruz del Sur (Crux Australis) y la ventiava más brillosa del cielu nocherniegu. El términu «Becrux» nun ye más qu'una contracción de la lletra griega Beta y la palabra Crux, ente que l'orixe del nome «Mimosa» pue tar rellacionáu cola flor del mesmu nome.

Becrux ye una estrella subxigante de magnitú visual +1,30 de color azul y tipu espectral B0.5IV[1] con una temperatura cercana a los 27.000 K. La so lluminosidá, 2000 vegaes mayor que la del Sol nel espectru visible, xube a 19.600 soles cuando se considera la radiación emitida nel ultravioleta, que nuna estrella tan caliente supón una proporción importante. El so diámetru ye aprosimao 7 vegaes el del Sol, y la so masa ye 14 vegaes la solar. Ye una estrella nueva, con una edá envalorada de 10 millones d'años, que'l so conteníu relativo de fierro ye igual a 3/4 partes del atopáu nel Sol. Ye una variable pulsante de tipu Beta Cephei, que'l so rellumu varia ente magnitú +1,23 y +1,33 con periodos de 4,588, 4,028, 4,386, 6,805 y 8,618 hores.[2]

Asitiada a 280 años lluz del Sistema Solar, el espectru de Becrux revela que ye una estrella binaria cercana que les sos dos componentes, dixebraes unes 7 unidaes astronómiques, tienen un periodu orbital de 5 años. Amás, afayóse una segunda compañera de masa baxo, non observable nel espectru visible pero activa en rayos X; ye una estrella pre-secuencia principal, esto ye, ta inda en procesu de formación. Dixebrada siquier 350 ua del par interior, emplega 1600 años o más en completar una órbita. Una cuarta estrella, visualmente a 42 segundos d'arcu, puede tamién pertenecer al sistema. Si realmente forma parte del mesmu, sería una nana naranxa distante siquier 3600 ua de la componente más brillosa.[2]

Referencies[editar | editar la fonte]