Baghdad

De Wikipedia
(Redirixío dende Bagdad)
Saltar a: navegación, buscar
Dende arriba, y nel sentíu de les aguyes del reló: Vista aérea de la zona internacional de Baghdad; Universidá d'Al-Mustansiriya; mezquita d'Al-Kadhimiya; monumentu de les espades de Qadisiyah monument; y Muséu Nacional d'Iraq

Baghdad (n'árabe: بغداد, Baġdād ) ye la capital d'Iraq, y tamién la de la provincia que lleva'l so nome. La so población, en 2011, estimábase que yera de 7.216.040 habitantes, que fain d'ella la mayor del país, la segunda del mundu árabe dempués d'El Cairo y la segunda mayor d'Asia occidental dempués de Tehran.

Asitiada a la vera'l ríu Tigris, la ciudá fundóse nel sieglu VIII y foi la capital del califatu abbásida. En perpocu tiempu dempués de la so fundación convirtiose nún centru cultural, comercial ya intelectual de primer orde dientru del mundu islámicu. Esto, xunto a la fundación nella de delles instituciones académiques destacaes, dió-y a la ciudá sonadía mundial como centru del conocimientu. Na Alta Edá Media Baghdad yera considerada, colos sos 1.200.000 habitantes, la mayor ciudá del mundu. La ciudá foi destruyida polos mongoles en 1258, y esto provocó l'entamu la so decayencia, que siguió por dellos sieglos por culpa de les plagues y de les lluches pol so control ente distintos imperios. Col reconocimientu, a partir del antiguu mandatu británicu de Mesopotamia, d'Iraq como un país independiente en 1938 la ciudá recuperó della de la so antigua importancia como centru cultural del mundu árabe.


Nel sieglu XXI la ciudá tien sufrío importantísimos daños como resultáu de la invasión de 2003 y la guerra que la siguió y que duró hasta avientu de 2011. La firma de la paz, por embargu, nun traxo la tranquilidá a les sos cais, porque los opositores al gobiernu iraqí tienen el vezu de perpetrar nella los sos atentaos, de forma que nel 2012 foi considerada una de les ciudaes menos acoyedores pa vivir[1] y como la peor d'ente 221 megaciudaes no que cinca a la so calidá de vida.


División alministrativa[editar | editar la fonte]

Palaciu Presidencial de Baghdad.

Baghdad ta xebrada en estos nueve distritos alministrativos que vienen darréu:

Referencies[editar | editar la fonte]