Australian Blonde

De Wikipedia
Saltar a navegación Saltar a la gueta

Australian Blonde foi un grupu asturianu de música indie que anició’l so andar nos años 90 en Xixón.

Biografía[editar | editar la fonte]

La banda emparéyase en 1992 con Tito Valdés nel baxu, Roberto Nicieza na batería y Fran Fernández (agora Francisco Nixon) como guitarra y cantante. Tres dellos conciertos ganen el concursu de maquetes de la “Sala Maravillas”, amás de llegar a la final d'un concursu entamáu pola revista “Rock de Lux”. Dende esi momentu fichen pola discográfica Subterfuge sellu col que llancien el so primer cenciellu compartíu con Kactus Jack, “Split” (Subterfuge, 1993). Darréu publiquen el so primer álbum, Pizza Pop (1993), siendo consideraos como banda revelación pola crítica especializao.

Col primer single estrayíu del so álbume debú, “Chup Chup”, algamen l'estrellatu, camudando ser l'himnu de la xeneración indie d'entamos los 90 n'España, el so son pop mecíu con distorsiones de guitarra (riffs) caltriaren fondo. El tema nun tardó n'asoleyar al públicu gracies a que yera parte de la banda sonora de la película Historias de Kronen, y llueu d'un anunciu de Pepsi. Asína, ceo empezaren a fichar grupos asemeyaos en muchos sellos independientes, empezándose a falar del Xixón Sound ("son Xixón") y, nési paralelismu, Xixón camudó a ser el Seattle español, pues l'indie nel nuesu país tuvo una repercusión asemeyada al grunge nos Estados Xuníos ente una mocedá farta del son mainstream.

Col amiestu en 1995 del batería avilesín Paco Martínez, la banda permanéz estable hasta 2003, siempre contando cola collaboración na escuridá del “cuartu blonde”, Paco Loco, guitarrista y productor mexicanu, afincáu n'España. Dende esi tiempu Australian Blonde ficha pola discográfica RCA y publiquen tres discos que los afiten como una de les bandes más importantes del panorama rock nacional. Pasen tola década de xira y per grandes festivales como'l FIB, el “Doctor Music” o el “Festimad”, amás de componer les bandes sonores de los cortometraxes Rondadores Nocturnos 3 (1998) y Rondadores Nocturnos 2 (1999), dambos dirixíos por Aure Roces.

Tres un conciertu en Nueva York conocen a Steve Wynn, col que publiquen un álbum compartíu en 2000. Dende entós publicaren dellos discos y EP con éxitu más moderáu, pero aínda patente, pues siguen apaeciendo n'esbilles, llenando sales en festivales importantes como'l de Benicàssim, etc. En 2004 reeditóse l'álbum Pizza Pop, al que se-y sumaren nuevos cantares que daquella fueren descartaos.

En marzo de 2012 sal un tema de so na película de [•Rec]3. Nel 2003 Tito Valdés dexa la banda, siendo sustituyíu por Pablo Errea, músicu navarru viniente de grupos como “Ritual de lo Habitual”, “Greenhouse Effect” o “Edwin Moses”.

Formación de güei[editar | editar la fonte]

  • Fran Fernández (agora Francisco Nixon): Guitarra y Voz
  • Paco Martínez: Batería y voces
  • Pablo Errea: Baxu, guitarra y Voz

Discografía[editar | editar la fonte]

Álbumes[editar | editar la fonte]

  • 1993 - Pizza Pop
  • 1994 - Aftershave
  • 1996 - Australian Blonde
  • 1996 - Australian B
  • 1998 - Extra
  • 2000 - Momento
  • 2002 - Lay it on the line
  • 2004 - Canciones de amor y gratitud
  • 2004 - Pizza Pop (reedición)

EP[editar | editar la fonte]

  • 1994 - Spiral
  • 2001 - In it for the money

Singles[editar | editar la fonte]

  • 1993 - Australian Blonde + Kactus Jack
  • 1993 - Chup Chup
  • 1994 - Miss
  • 1994 - M
  • 1994 - Cosmic
  • 1995 - Cosmic (nueva edición)
  • 1996 - No puedo dormir
  • 1996 - Chance
  • 1997 - Chance (nueva edición)
  • 1997 - Boom
  • 1999 - Drew and Cheri
  • 1999 - Cool Dive
  • 1999 - Black
  • 2000 - Suddenly
  • 2002 - Lay it on the line
  • 2002 - A brief honeymoon with Julia
  • 2004 - When I Look Back

Grupos rellacionaos[editar | editar la fonte]

Fran Fernández tien otros proyeutos musicales paralelos: La Costa Brava y Francisco Nixon.

Enllaces esternos[editar | editar la fonte]