Austin St. John
Austin St. John | |
|---|---|
.jpg) | |
| Vida | |
| Nacimientu |
Roswell (es)  , 17 de setiembre de 1974 (50 años) |
| Nacionalidá |
 Estaos Xuníos |
| Residencia | Washington DC |
| Llingua materna | inglés |
| Estudios | |
| Estudios |
Universidá Concordia Escuela secundaria Sunny Hills (es) Wilbert Tucker Woodson High School (en) |
| Llingües falaes | inglés |
| Oficiu | |
| Oficiu | actor, actor de televisión |
|
| |
| Seudónimos | Austin St. John |
| IMDb | nm0820613 |
 | |
Jason Lawrence Geiger (17 de setiembre de 1974, Roswell (es) ), más conocíu como Austin St. John, ye un actor y actor de televisión d'Estaos Xuníos. Ye conocíu pol so papel na serie de televisión Mighty Morphin Power Rangers como Jason Llei Scott, el primer Red Ranger y el primer líder de los Power Rangers.[1] Anguaño ta retiráu de la interpretación, trabaya como paramédico y enantes foi bomberu.[2]
Vida personal
[editar | editar la fonte]St. John lleva practicando artes marciales dende los cinco años y ye cintu negru de segundu grau en Tae Kwon Do,[3] cintu negru de primer grau en Yudu, y tamién practica Kenpo.
El so nome artísticu llegó cuando los sos managers na axencia pensaron que Jason Geiger nun yera un nome atanante. Al actor asocedióse-y lo de "St. John", y "Austin" foi suxerencia de los managers inspiraos pol personaxe de Steve Austin, de The Six Million Dollar Man.[4]
El 10 de marzu de 2015, Austin foi padre d'una neña a la que llamó MacKenzie.
Power Rangers
[editar | editar la fonte]El primer papel protagonista de St. John na interpretación foi en 1993, cuando interpretó a Jason Lee Scott, el Power Ranger Colloráu en Mighty Morphin Power Rangers de Saban Entertainment. Con 19 años nel momentu del estrenu, yera'l más nuevu del repartu orixinal, pero coles mesmes yera tamién el mayor espertu n'artes marciales, y eso integróse al so personaxe. Mighty Morphin Power Rangers foi un ésitu inmediatu y convirtióse rápido n'unu de los programes infantiles de mayor audiencia de tolos tiempos. Sicasí, Austin dexó la serie a metá de la segunda temporada por una disputa sobre'l so contratu y el so salariu, y foi reemplazáu na serie por Steve Cardenas, que sería'l qu'apaecería na primer película de la serie.
St. John volvería más tarde a la franquicia como Gold Ranger en Power Rangers: Zeo, y como actor invitáu na segunda película, Turbo: A Power Rangers Movie. Tamién co-presentó l'episodiu especial de 1999 tituláu L'episodiu perdíu al pie del so antiguu compañeru y bon amigu Walter Jones, intérprete del primer Black Ranger, y dambos falaron de la historia de la franquicia hasta esi momentu, amás de presentar l'episodiu piloto inéditu hasta entós de Mighty Morphin Power Rangers.
La última apaición de St. John en Power Rangers foi nel especial del décimu aniversariu, Forever Rede, nel que se xunió a otros nueve actores intérpretes del Ranger Colorado hasta la fecha. Volvió interpretar al Ranger Colorado orixinal y axuntóse col so antiguu compañeru de repartu Jason David Frank. Tamién foi unu de los participantes convidaos na Power Morphicon 2007 celebrada en Los Angeles que celebraba'l 15º aniversariu de la franquicia.
Tres dellos años de serviciu como paramédico y bomberu, St. John empezó a faer apaiciones en convenciones en 2014, incluyendo un regresu a la Power Morphicon.[5][6]
Filmografía
[editar | editar la fonte]Televisión
[editar | editar la fonte]| Añu | Títulu | Personaxe | Notes |
|---|---|---|---|
| 1993–1996 | Mighty Morphin Power Rangers | Jason Lee Scott / Red Ranger | Protagonista (80 episodios) |
| 1996 | Power Rangers: Zeo | Jason Lee Scott / Gold Zeo Ranger | Protagonista (17 episodios) |
| 1998 | Exposé | Detective Anderson | Telefilme |
| 1999 | Power Rangers: The Lost Episode | Presentador / Jason Lee Scott / Red Ranger | Co-presentador / Protagonista |
| 2002 | Power Rangers: Wild Force | Jason Lee Scott / Red Ranger | Actor invitáu (episodiu Forever Rede) |
Cine
[editar | editar la fonte]| Títulu | Añu | Personaxe |
|---|---|---|
| 1995 | Encyclopedia of Martial Arts: Hollywood Celebrities | Él mesmu |
| 1997 | Turbo: A Power Rangers Movie | Jason Lee Scott |
Llibros
[editar | editar la fonte]- Austin St. John ye l'autor del llibru Karate Warrior: A Beginner's Guide to Martial Arts. - ISBN 1-56138-784-3
Referencies
[editar | editar la fonte]- ↑ Dale, Steve (10 de marzu de 1995). It's Pink Floyd For Children.. Archivado del original el 2012-05-31. https://web.archive.org/web/20120531071132/http://articles.chicagotribune.com/1995-03-10/entertainment/9509200331_1_angel-grove-mighty-morphin-power-rangers-anita-mann. Consultáu'l 30 d'agostu de 2010.
- ↑ «Archived copy». Archiváu dende l'orixinal, el 2015-09-23.
- ↑ «KIDSDAY TALKING WITH Austin St. John». Newsday. 24 d'avientu de 1994. Archivado del original el 2012-11-03. https://web.archive.org/web/20121103171326/http://pqasb.pqarchiver.com/newsday/access/101904521.html?dids=101904521:101904521&FMT=ABS&FMTS=ABS:FT&type=current&date=Dec+24,+1994&author=By+Candida+Rivera,+Stephanie+Matamoros+and+Mary-Ellen&pub=Newsday+(Combined+editions)&desc=KIDSDAY+TALKING+WITH+Austin+St.+John&pqatl=google. Consultáu'l 2015-10-21.
- ↑ «PAT O’BRIEN’S BIGGEST SUCCESS STORIES». Archiváu dende l'orixinal, el 2009-09-22.
- ↑ «Power Morphicon 4 ~ August 22nd-24th 2014». Archiváu dende l'orixinal, el 2014-03-26.
- ↑ 'Mighty Morphin Power Rangers': Where are they now? Entertainment Weekly, Retrieved November 7, 2014
| Control d'autoridaes |
|
|---|
Datos: Q2603666
Multimedia: Austin St. John