Ataúlfo Lada Camblor

De Wikipedia
Saltar a navegación Saltar a la gueta
Ataúlfo Lada Camblor
Vida
Nacimientu Serrapio20 de marzu de 1921
Nacionalidá Bandera d'España España
Fallecimientu

Uviéu5 de xineru de 2009

(87 años)
Estudios
Llingües castellanu
asturianu
Oficiu
Oficiu cantante de tonada y mineru
Cambiar los datos en Wikidata

Ataúlfo Lada Camblor (20 de marzu de 1921Serrapio - 5 de xineru de 2009Uviéu) foi un cantante asturianu de tonada, siendo, pol so aniciu, unu de los dominadores de la variante ayerana.

Ataúlfo trabayó na mina como picador y vixilante, pero dende bien mozu dedicóse a la tonada. Con veintinueve años algama'l primer premiu na segunda edición del concursu de canción asturiana qu'entamaba'l diariu Región, nel Salón Babel. Señala'l periodista Calleja: Ataúlfo Lada, Pepe Requejo y Carlitos Solís fueron los tres mosqueteros que conquistaron el Babel [1].

Ente los años 1967 y 1068 forma parte de l'agrupación Asturias Canta, al llau de Margarita Blanco, El Tordín de Frieres, José Noriega, Silvino Argüelles, Fidel de la Güeria, Tarín de Sotrondio y el gaiteru Silvino Blanco. Con posterioridá pasaría a formar parte del grupu Campeones de la Canción Asturiana, que comandaba'l cantante Ignacio Apaolaza.

Dexó grabaos dellos cantares en discu: La negra mina, En picando y en forando, Dísteme una cinta verde, La cara blanca, Pendu l'Argüeyu, Río Aller que vas cantando, ...

La canción d'Ataúlfo qu'algamaría mayor sonadía sería La Zagalina y con ella sería dispidíu na ilesia de Serrapio el día del so funeral, el 6 de xineru de 2009.

Ataúlfo Lada Camblor formaría parte del Comité d'Espertos de Tonada Asturiana qu'aconceyaos pol Memorial Silvino Argüelles nomaríen a los diez meyores cantadores de tonada del añu. Igualmente, Ataúlfo sería homenaxeáu nel añu 1993 nel I Concursu y Muestra del Folklore Ciudá d'Uviéu, onde tamién tien dedicada una cai.

Referencies[editar | editar la fonte]

  1. citao por Mari Nieves Tejón Hevia: “El legado cultural del ayerano Ataúlfo Lada Camblor”. La Nueva España, suplementu La Nueva Quintana, 20 de xineru de 2009

Enllaces esternos[editar | editar la fonte]