Margarita Blanco

De Wikipedia
Saltar a navegación Saltar a la gueta
Margarita Blanco
Vida
Nacimientu La Collá5  d'agostu de 1935
Nacionalidá Bandera d'España España
Fallecimientu

13  d'abril de 2008

(72 años)
Estudios
Llingües castellán
Oficiu
Oficiu cantante
Instrumentu musical voz
Cambiar los datos en Wikidata

Margarita Blanco Alonso (5  d'agostu de 1935La Collá - 13  d'abril de 2008) foi una cantante de tonada.

Criada nun ambiente familiar de gustu pola tonada, Margarita dase a conocer nel añu 1955, al quedar segunda nel concursu entamáu pol diariu Región. Darréu xuntaríase a la compañía Los Mariñanes que contaba ente otres voces cola presencia de José González, El Presi.

Ente los años 1967 y 1968 formó parte de la Compañía de Campeones de la Canción Asturiana "Asturias Canta", que taba compuesta por xente como El Tordín de Frieres, Ataúlfo Lada Camblor, Agustín Argüelles Cuesta,… y contaben cola participación del hermanu de Margarita, Silvino Blanco como gaiteru.

Margarita llegaría a actuar en Bélxica pa los emigrantes asturianos, nel añu 1969, acompañada por El Tordín de Frieres.

La cantante dexaría grabaos dellos discos con cantares como La Cabraliega, Canteros de Covadonga, Playina la de Xixón, Anda y señalame un sitiu, Un maquinista lloraba

Margarita Blanco recibiría nos últimos años de so vida una buena riestra d'homenaxes y participaría nel xuráu de dellos concursos de tondas.

Morrería d'un infartu n'Uviéu, a los 72 años, el 13 d'abril de 2008, celebrándose un funeral na ilesia de la Inmaculada de Xixón, contando cola presencia de destacaes voces del mundu de la tonada. Les cenices de Margaríta seríen espardíes pel so pueblu natal, La Collá.