Asturies nun escaez

De Wikipedia
Saltar a navegación Saltar a la gueta
Obrint Pas na V edición en La Felguera'l 7 d'ochobre de 2006.

Asturies nun escaez ye'l llema emplegáu nos conciertos conmemorativos de la revolución asturiana d'ochobre de 1934, que se vienen desendolcando en cinco ocasiones.

Hestoria[editar | editar la fonte]

Los conciertos "Asturies nun escaez" nacieron nel añu 2000 como un actu de la mocedá de conmemoración de la revolución de Ochobre y d'homenaxe a los y les revolucionaries que llucharon nella. Les dos primeres ediciones entamoles la esapaecía Andecha Mocedá y dende 2004 Darréu


Primer Edición[editar | editar la fonte]

La desapaecida Andecha Mocedá entamaba nel añu 2000 el primer conciertu n'homenax a la Revolución de 1934 per parte de la mocedá de la esquierda nacionaliega d'Asturies y escoyía como llugar la Sala Polivalente del Conceyu de Noreña.

Un total de seyes bandes, cuatru asturianes y dos vasques, completaben el cartelu d'un festival qu'aconceyó a 700 persones.

Abrió la nueche'l grupu folk N'arba, qu'entamó a calecer l'ambiente, pa dar pasu a los yá desapaecíos Avientu, que presentaben el so tercer trabayu “Glayíos Dende'l Fondu” y en Noreña ficieron el so caberu conciertu.

Betagarri y Etsaiak dexaron perbón sabor de boca na so primer actuación en tierres asturianes y foron Oi! N'Ast ya Intolerance los encargaos de pesllar una nueche a ritmu de munchos estilos músicales pero cola imaxe de los revolucionarios asturianos como referente.

Segunda Edición[editar | editar la fonte]

La Sala La Real d'Uviéu acoyía nel 2002 el conciertu entamáu per Andecha Mocedá y que tuvo a puntu d'escosar les entraes puestes a la venta, algamando la cifra de 1200 espeutadores.

El grupu asturianu yá esapaecíu Sendero Luminoso foi l'encargáu d'abrir la nueche. Anque desconocíu pa la mayoría de les persones ellí aconceyaes algamó mover dafechu al públicu y amosar que nes primeres files teníen un bon garrapiellu de siguidores.

La banda cimera del rock n'asturianu, Dixebra, nun defraudó en dengún momentu. Descargaron les sos lletres n'asturianu a ritmu de punk-rock, rap-metal y ska énte'l baille y la folixa d'un públicu entregáu dafechu.

Soziedad Alkoholika pesllaría'l conciertu de forma brillante, pesie a que se-yos echaría en falta dalgún tipu de referencia verbal al motivu del conciertu. Los vascos amosaron la so contundencia como grupu de direutu faciendo esfrutar a la sala.

Tercer Edición[editar | editar la fonte]

Pesie a encadarmase pocos meses enantes de la fecha del conciertu, Darréu decidió asumir la organización del tradicional conciertu n'homenax a la Revolución d'Ochobre de 1934. Nesti 2004 faciase'l 70 cabudañu de la revolución. El nuevu ensame de la mocedá nacionaliego cumplió dafechu les espeutatives y enllenó la Sala Albéniz de Xixón.

Pa entamar, xuntáronse enriba del escenariu los trés grupos mas destacaos de la nueva fornada de rock n'asturianu. Abrieron el fueu La Tarrancha a ritmu de ska-reagge y acabaron de prender la mecha Skama la Rede y Skontra. Les trés bandes ufiertaron un direutu realmente ablucante, quedando'l públicu con ganes de más cantares.

Darréu, Skalariak y Habeas Corpus pisaben per primer vegada les tables d'un escenariu asturianu. L'acoyía nun pudo ser meyor con cientos de persones coreando les sos lletres y baillando ensin descansu. Les dos formaciones afayáronse de forma prestosa y nun escaecieron en sofitar la llucha del Pueblu Asturianu.

Tres esta primer visita n'ochobre y tres l'esitu algamáu les dos formaciones participaríen nel Festival Derrame Rock del branu siguiente.

Cuarta Edición[editar | editar la fonte]

El conciertu "Asturies nun escaez"del 2005 celebróse na ciudá d'Avilés. El llugar escoyíu foi la Sala Quattro, que lleva dende va una montonera d'años acoyendo conciertos de primer nivel nel panorama asturianu ya internacional.

La nueche abrióse con Skama la Rede que presentaba'l so primer trabayu "La Nuesa Hestoria". Entamaron sosprendiendo, soltando un sampler que recordaba'l famosu panfletu de "Rebeldes de Asturias ¡Rendíos!". Demientres más d'una hora presentaron tolos temes del so cd asina como recuperaron dalgún cantar de la so maqueta "Hestories Absurdes". Nun hebo nin un momentu pal descansu na actuación d'esti grupu del Cabu Peñes.

Darréu, y a ritmu de punk-rock, salieron al escenariu Mala Reputación. Los del oriente asturianu aprovecharon esta cita, onde debutaben, pa pesllar la so xira "A x ellos". Ficieron un ampliu repasu pelos sos discos presentando delles sospreses. Una versión del "Nun Puxa" de Dixebra, y un remake del so tema "Raigaños" a ritmu de reagge y en compañía d'Ermitaños del Río.

Cinco años hebo qu'esperar pa volver ver n'Asturies al grupu vascu Betagarri y tuvo que ser otra vez nel conciertu "Asturies nun escaez". Los vascos, que veníen de tocar per media Europa, nun defraudaron. Más d'una hora y media de música ska presentando'l so primer discu en direutu "Zuzenean". Dirixéronse en delles vegaes al públicu usando la llingua asturiana.

Mediu millar de persones foron les qu'asistieron a un conciertu qu'una vegada mas cuntó coles habituales intervenciones polítiques.

Quinta Edición[editar | editar la fonte]

El quintu conciertu celebrose nel añu 2006 esta vegada enmarcáu dientro de los actos programaos por Darréu nel Día de la Mocedá Revolucionario en La Felguera (Llangréu).

Nesta ocasión los grupos participantes fueron K-NalóN y Testimoniu la Viztima col so hip hop n'asturianu. A estos grupos mozos siguieronlos grupos más veteranos como Escuela de Odio col so hard core. A los trés grupos de la Cuenca'l Nalón siguiolos el grupu valencianu Obrint Pas na so xira "Internacionalista Tour 2006" y que visitaba per primer vegada Asturies y que s'alcontró con una bona cantidá de siguidores asturianos que nun pararon de baillar colos sos ritmos. Pa zarrar la nueche Dixebra que tornaba a los conciertos" Asturies nun escaez" cuatro años dempués de tocar xunta a Sociedaz Alkoholica n'Uviéu y que como ye vezu nun defraudaron a naide.

Unes mil persones acudieron a esta quinta edición en La Felguera.

Sesta Edición[editar | editar la fonte]

La sesta edición tornó a celebrase en en La Felguera (Llangréu) y dientro del segundu Día de la Mocedá Revolucionario. Nesta sesta edición participaron los grupos asturianos Skontra y Escuela de Odio a los qu'acompangaron Koma dende Navarra y Habeas Corpus. Unes mil persones aconceyaron en La Felguera. Especial con más de 70 semeyes y les croniques

Séptima Edición[editar | editar la fonte]

La sétima edición tornó a celebrase en La Felguera (Llangréu) y dientro del tercer Día de la Mocedá Revolucionario. Nesta sesta edición participaron los grupos asturianos FalaNonCaduca, Escuela de Odio y Gomeru a los qu'acompangó Soziedad Alkoholika. Más de mil persones aconceyaron en La Felguera.

Octava Edición[editar | editar la fonte]

La octaba edición cellébrase en Xixón y dientro del cuartu Día de la Mocedá Revolucionario los díes 9 y 10 d'ochobre. Nesta sesta edición participen los grupos asturianos Adizión Etílika y Escuela de Odio a los qu'acompañen Lendakaris Muertos y Kaotico.

Llista de Grupos participantes[editar | editar la fonte]

Non Asturianos:

Enllaces esternos[editar | editar la fonte]

Páxines oficiales[editar | editar la fonte]