Día de la Mocedá Revolucionario

De Wikipedia
Saltar a navegación Saltar a la gueta

Día de la Mocedá Revolucionario (DMR) ye una serie d'actos entamaos por Darréu colos oxetivos de conmemorar la Revolución Asturiana de 1934 y homenaxear a los sos protagonistes, afitar un día de vindicación xuvenil con claru calter social nel calendariu asturianu de movilizaciones, da-y un calter tamién internacionalista cola participación de delegaciones nacionaliegues, facer un día participativu pa con organizaciones sociales, culturales y como non de movilización de mocedá.

La so primera edición foi'l 7 d'ochobre de 2006 en La Felguera, Llangréu.


Actos fechos na 1er edición (2006)[editar | editar la fonte]

Alcuentru Internacionalista[editar | editar la fonte]

Un Alcuentru d'organizaciones xuveniles nacionalistes de tol estáu español, onde s'espunxeron les lluches de la mocedá nos sos respeutivos países. Estes organizaciones foron; Yesca, de Castiella, Maulets de Cataluña (Países catalanes), Chobenalla Aragonesista d'Aragón y Regüelta de Cantabria asina como mocedá "abertzale".

Actu homenax a Belarmino Tomás[editar | editar la fonte]

Un momentu del homenaxe

Dientro los actos d'esta xornada conmemorativa recordóse a Belarmino Tomás pol so sinificáu históricu, yá que foi un destacáu dirixente de la Revolución d'Ochobre de 1934, miembru del primer comité revolucionariu y presidente del terceru y tamién presidente en 1937 del Conseyu Soberanu d'Asturies y Lleón

Esti homenax nun foi solu a Belarmino Tomás sinón pa la mocedá que lluchó na Revolución de 1934 y consistió na colocación d'una placa y una corona de lloréu na so alcordanza nel monumentu a la so persona en La Felguera, una intervención política y la interpretación por parte de los gaiteros de "La Flor del Agua".

Manifestación "Futuru n'Asturies"[editar | editar la fonte]

Encabezamientu de la manifestación.

Darréu convocó la so primer manifestación en solitariu y mui probablemente la primer manifestación convocada por una organización de mocedá d'izquierda nacionaliega na hestoria del movimientu.

Foi en Llangréu, ún de los puntos más importantes d'aquellos díes.

Baxo'l llema "FUTURU N'ASTURIES" dende Darréu esixóse que la mocedá asturiana puea vivir n'Asturies dignamente y que s'apare la sangría demografica que vivimos. Amás la protesta foi escontra la esplotación de la mocedá, con contratos esplotadores, contratos de prautiques, precariedá, temporalidá, xornaes muncho más llargues de les 8 hores...

Algamó la cifra de 500 manifestantes y delles persones xuniéronse a la manifestación cuando la vieron peles cais.

V Conciertu "Asturies nun escaez"[editar | editar la fonte]

Obrint Pas nel conciertu.

‎Nel yá clásicu conciertu Asturies nun escaez los grupos participantes foron K-NalóN y Testimoniu la Viztima col so hip hop n'asturianu. A estos grupos mozos siguieronlos grupos más veteranos como Escuela de Odio col so hard core. A los trés grupos de la Cuenca'l Nalón siguiolos el grupu valencianu Obrint Pas na so xira "Internacionalista Tour 2006" y que visitaba per primer vegada Asturies y que s'alcontró con una bona cantidá de siguidores asturianos que nun pararon de baillar colos sos ritmos. Pa zarrar la nueche Dixebra que tornaba a los conciertos" Asturies nun escaez" cuatro años dempués de tocar xunta a Sociedad Alkohólika n'Uviéu y que como ye vezu nun defraudaron a les más de 1000 persones qu'algamó esti conciertu.

Ver tamién[editar | editar la fonte]

Enllaces esternos[editar | editar la fonte]