Armando Fernández Prieto

De Wikipedia
Saltar a navegación Saltar a la gueta
Armando Fernández PrietoFootball pictogram.svg
Vida
Nacimientu

Uviéu24  de marzu de 1932

[2]
Nacionalidá Flag of Spain.svg España
Muerte

Uviéu20  d'avientu de 2001

[2] (69 años)
Estudios
Llingües falaes castellanu
Oficiu
Oficiu futbolista
Trayeutoria
  Equipu Feather-media-controls-shuffle.svg Feather-core-target.svg
Real Uviéu
Futbol Club Barcelona
Unión Popular de Langreo
  Seleición nacional Feather-media-controls-shuffle.svg Feather-core-target.svg
Flag of Catalonia.svg  seleición masculina de fútbol de Cataluña
Alcuñu/os Mandi
Cambiar los datos en Wikidata

Armando Fernández Prieto, más conocíu como Mandi, (Uviéu, 24 de marzu de 1932 - Uviéu, 20 d'avientu de 2001[3]) foi un futbolista español de la década de 1950 que xugó en dellos equipos de la Primer División d'España.

Trayeutoria[editar | editar la fonte]

Empezó la so carrera profesional nel Real Uviéu xugando a gran nivel ente 1951 y 1954.[4] Debuta colos azules cuando éstos xueguen na Segunda División el 15 d'abril de 1951 nel antiguu estadiu Carlos Tartiere nun alcuentru que los carbayones pierden por 2-4 frente al Unión Deportiva Ourensana. Na temporada siguiente llogra l'ascensu a la máxima categoría, permaneciendo nella mientres dos temporaes más col equipu de la capital asturiana. El so debú na Primer División foi'l 14 de setiembre de 1952 nel Estadiu Metropolitanu de Madrid nel alcuentru qu'enfrentó al Real Uviéu col Atlético de Madrid (5-1) siendo Urquiri l'entrenador que lu fixo debutar. [5] En total xuega 72 partíos oficiales col Real Uviéu, consiguiendo un total de 14 goles (en Primer División, 51 partíos y 9 goles). En 1954 ficha pol FC Barcelona, con quien xuega mientres tres temporaes[6][4] xugando 27 alcuentros coles blaugranes y consiguiendo 3 goles. Una mancadura na rodía tórga-y xugar más partíos ya inclusive nun debutar cola Seleición Española.[4] El 26 de xineru de 1955 apuesta un partíu cola Seleición de fútbol de Cataluña enfrentándose al Bolonia FC. En 1957 ficha pol Real Jaén CF que nesa temporada xuega na Primer División (14 partíos y 2 goles) anque a la fin de la mesma, l'equipu andaluz baxa a la categoría de plata. Años más tarde va defender los colores d'equipos asturianos de categoríes inferiores como'l Caudal Deportivo de Mieres o la Unión Popular de Langreo.[4][7]

Palmarés[editar | editar la fonte]

Referencies[editar | editar la fonte]

  1. Afirmao en: transfermarkt.com. Identificador Transfermarkt d'un futbolista: 347943. Apaez como: Mandi. Llingua de la obra o nome: distintes llingües.
  2. 2,0 2,1 Afirmao en: Enciclopèdia de l'Esport Català. ID Enciclopèdia de l'Esport Català: 7929. Apaez como: Armando Fernández Prieto. Llingua de la obra o nome: catalán. Data d'espublización: 2012. Editorial: Grup Enciclopèdia Catalana.
  3. Mundo Deportivo (ed.): «Finó Mandi, ex xugador de los años cincuenta» (22 d'avientu de 2001).
  4. 4,0 4,1 4,2 4,3 La Nueva España (ed.): «Mandi» (2 de xineru de 2002).
  5. Mundo Deportivo (ed.): «Crónica del partíu» (15 de setiembre de 1952).
  6. Mundo Deportivo (ed.): «Mandi yá ye xugador del Barcelona» (9 de xunetu de 1954).
  7. UP Llangréu (ed.): «Armando Férnandez Prieto».

Enllaces esternos[editar | editar la fonte]