Arkab Prior

De Wikipedia
Saltar a navegación Saltar a la gueta
Arkab Prior
Arkab Prior A/B
Constelación Saxitariu
Ascensión reuta α 19h 22min 38,29s
Declinación δ -44º 27’ 32,3’’
Distancia 378 años lluz
Magnitú visual +3,96 / +7,4
Magnitú absoluta -1,36
Lluminosidá 440 / ? soles
Masa 3,5 / 1,8 soles
Radiu 6 / ? soles
Tipu espectral B9V / A3V
Velocidá radial -10,7 km/s

Arkab Prior1 Sagittarii / β1 Sgr / HD 181454)[1] ye una estrella de magnitú aparente +3,96. Xuntu a Arkab Posterior2 Sagittarii) comparte la denominación de Bayer «Beta» na constelación de Saxitariu, anque son estrelles totalmente independientes. Arkab Prior alcuéntrase a 378 años lluz, prácticamente'l triple de distancia que Arkab Posterior. El términu Arkab provién del árabe Al ʼUrḳūb, traducíu como'l «tendón de aquiles» del arqueru. Coles mesmes, l'astrónomu persa Zakariya al-Qazwini conocía a esta estrella, xunto a Rukbat (α Sagittarii) y Arkab Posterior, como Al Ṣuradain, los dos Surad, páxaros del desiertu descritos de distinta manera por diversu autores.[2]

Arkab Prior ye una estrella binaria que les sos dos componentes tán visualmente separaes 28 segundos d'arcu. Arkab Prior A, la más brillosa, ye una estrella blancu-azulada de la secuencia principal de tipu espectral B9V. La so lluminosidá, teniendo en cuenta la radiación emitida nel ultravioleta, ye equivalente a 440 soles. La so masa averada ye de 3,5 mases solares y el so radiu ye 6 vegaes más grande qu'el radiu solar.[3]

Arkab Prior B ye una estrella blanca de la secuencia principal de tipu A3V y magnitú aparente +7,4. Cola metá de masa que Arkab Prior A, la separación ente les dos estrelles ye de siquier 3300 UA —83 vegaes la distancia ente Plutón y el Sol—, con un periodu orbital de siquier 82.000 años.[3]

Referencies[editar | editar la fonte]

  1. Beta1 Sagittarii (SIMBAD)
  2. Allen, Richard Hinckley (1889). «Sagittarius, the Archer», en Courier Dover Publications: Star Names — Their Lore and Meaning (n'inglés), 563. ISBN 0-486-21079-0. Consultáu'l 10 de setiembre de 2010.
  3. 3,0 3,1 Arkab Prior (Stars, Jim Kaler)

Coordenaes: Sky map 19h 22m 38.38s, -44° 27 32.299