Arkab Posterior

De Wikipedia
Saltar a navegación Saltar a la gueta
Ficha d'oxetu celesteArkab Posterior
Datos d'observación
Ascensión reuta (α) 290,80473937083 °[1]
Declinación (δ) −44,79977919694 °[1]
Distancia a la Tierra 40,1487 pc
Magnitú aparente (V) 4,27 (banda V)
Magnitú absoluta 1,2
Constelación Saxitariu[4]
Velocidá de rotación 155 km/s y 126 km/s[5]
Velocidá radial 11,5 km/s[2]
Parallax 24,9074 mas[2]
Carauterístiques físiques
Radiu 3,56 Radius solars
Masa 1,43 M☉
Tipu espectral F2/3V[6]
Otros nomes
Cambiar los datos en Wikidata

Coordenaes: Sky map 19h 23m 13.137s, -44° 47 59.205

Arkab Posterior2 Sagittarii / β2 Sgr / HD 181623) ye una estrella de magnitú aparente +4,28.[7] Xuntu con Arkab Prior1 Sagittarii) comparte la denominación de Bayer «Beta» na constelación de Saxitariu, anque son estrelles totalmente independientes. Arkab Posterior alcuéntrase a 139 años lluz, unos trés vegaes más cerca que Arkab Prior. El nome Arkab provién del árabe Al ʼUrḳūb, traducíu como'l «tendón de aquiles» del arqueru. Coles mesmes, l'astrónomu persa Zakariya al-Qazwini conocía a esta estrella, xunto a Rukbat (α Sagittarii) y Arkab Prior, como Al Ṣuradain, los dos Surad (páxaros del desiertu).[8]

Arkab Posterior ta catalogada como una estrella xigante de tipu espectral F2III[7] con una temperatura averada de 6900 K y una lluminosidá 27 vegaes mayor que la del Sol, cuasi toa ella en forma de lluz visible. La so masa y diámetru, respeutivamente 2 y 1,4 vegaes mayores que los valores solares, indiquen que Arkab Posterior nun ye en realidá una xigante, sinón una estrella de la secuencia principal nes sos etapes finales de fusión d'hidróxenu. Con una edá de 1200 millones d'años, a lo sumo trátase d'una subxigante.[9] Tocantes al so conteníu metálico, presenta 2/3 partes de la metalicidá solar ([Fe/H] = -0,17).[10]

Arkab Posterior tien una velocidá de rotación de siquier 126 km/s, 63 vegaes mayor que la del Sol, completando un xiru en menos de 1,4 díes. Esta diferencia débese a que mientres les estrelles fríes como'l Sol (tipu espectral posterior a F5) ven frenada la so velocidá de rotación por cuenta de les sos campos magnéticos, nes estrelles más calientes esto nun asocede, xirando a una velocidá enforma mayor.[9]

Referencies[editar | editar la fonte]

  1. 1,0 1,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. 2,0 2,1 2,2 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  3. «Catálogo Tycho-2». Astronomy and Astrophysics:  páxs. 27–30. 2000. 
  4. Afirmao en: VizieR. Llingua de la obra o nome: inglés.
  5. Afirmao en: Catalogue of rotational velocities of the stars. Llingua de la obra o nome: inglés. Data de publicación: xunu 1970.
  6. Afirmao en: Catalogue of two dimentional spectral types for the HD stars, Vol. 2. Data de publicación: 1978.
  7. 7,0 7,1 Beta2 Sagittarii (SIMBAD)
  8. Allen, Richard Hinckley (1889). «Sagittarius, the Archer», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 31 d'avientu de 2010.
  9. 9,0 9,1 Arkab Posterior (Stars, Jim Kaler)
  10. Beta2 Sagittarii. Estendéi Hipparcos Compilation (XHIP) (Anderson+, 2012)

Coordenaes: Sky map 19h 23m 13.137s, -44° 47 59.205