Saltar al conteníu

Ariana Richards

De Wikipedia
Ariana Richards
Vida
Nacimientu Healdsburg (es) Traducir11 d'avientu de 1979[1] (44 años)
Nacionalidá Bandera de Estaos Xuníos d'América Estaos Xuníos
Llingua materna inglés
Estudios
Estudios Skidmore College (es) Traducir
Art Center College of Design (es) Traducir
Western Oregon University (en) Traducir
Llingües falaes inglés
Oficiu actriz, pintora, actriz de televisiónactriz de cine
Discográfica Pony Canyon
IMDb nm0000611
galleryariana.com
Cambiar los datos en Wikidata

Ariana Richards (11 d'avientu de 1979Healdsburg (es) Traducir) ye una actriz y pintora profesional d'Estaos Xuníos. Ye meyor conocida por interpretar a Lex Murphy en Jurassic Park y Carol Wetherby en Prancer.

Biografía

[editar | editar la fonte]

Richards nació en Healdsburg, California, siendo la fía de Darielle, una representante de rellaciones públiques y productor cinematográficu, y Gary Richards.[2] La so hermana, Bethany, tamién ye una actriz. Richards ye descendiente d'irlandeses ya italianos, ente'l so antepasaos cunta'l pintor del Renacimientu Carlo Crivelli.[3]

Richards graduóse del Skidmore College, llogrando un grau n'Artes Fines y Drama, según una reconocencia especial pol so permediu. Depués siguió instruyéndose nel Art Center College of Design en Pasadena, asistiendo coles mesmes a la Western Oregon University.

Actuación

[editar | editar la fonte]

Richards fixo'l so debú como actriz en Into the Homeland en 1987, una película pa televisión que protagonizó Powers Boothe. Sicasí, la so apaición más notable foi como Lex Murphy en Jurassic Park; na continuación, The Lost World: Jurassic Park volvió interpretar nuevamente dichu personaxe, anque lo fixo de forma curtia. Otramiente, apaeció como Mindy Sterngood en Tremors, papel que volvió interpretar en Tremors 3: Back to Perfection, que foise direutu a videu. De magar, apaeció en cintes como Angus, onde interpretó a una moza bulímica, según n'episodios de televisión de The Golden Girls, Empty Nest y Boy Meets World.

Amás, apaeció nel videu musical de "Brick" por Ben Folds Five, onde interpretó a una estudiante de preparatoria que tien un albuertu. Richards apaeció coles mesmes nel exemplar de setiembre de 2006 de la revista británica Empire, onde alderica sobre una eventual torna a l'actuación.

Referencies

[editar | editar la fonte]
  1. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. FilmReference.com biography
  3. Autobiografía Páxina Oficial

Enllaces esternos

[editar | editar la fonte]