Antoni Ramallets i Simón
Antoni Ramallets i Simón | |||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
_(cropped).jpg) | |||||||||||||||||||||||||||||||||||||||||||||||||||||||||||||||||||||
| Vida | |||||||||||||||||||||||||||||||||||||||||||||||||||||||||||||||||||||
| Nacimientu | Barcelona, 1 de xunetu de 1924[1] | ||||||||||||||||||||||||||||||||||||||||||||||||||||||||||||||||||||
| Nacionalidá |
 España | ||||||||||||||||||||||||||||||||||||||||||||||||||||||||||||||||||||
| Muerte | Vilafranca del Penedès, 30 de xunetu de 2013[2] (89 años) | ||||||||||||||||||||||||||||||||||||||||||||||||||||||||||||||||||||
| Estudios | |||||||||||||||||||||||||||||||||||||||||||||||||||||||||||||||||||||
| Llingües falaes |
catalán castellanu | ||||||||||||||||||||||||||||||||||||||||||||||||||||||||||||||||||||
| Oficiu | |||||||||||||||||||||||||||||||||||||||||||||||||||||||||||||||||||||
| Oficiu | futbolista, entrenador de fútbol | ||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||
|
Participante
| |||||||||||||||||||||||||||||||||||||||||||||||||||||||||||||||||||||
| Posición o especialidá | porteru | ||||||||||||||||||||||||||||||||||||||||||||||||||||||||||||||||||||
| Pesu | 82 kg | ||||||||||||||||||||||||||||||||||||||||||||||||||||||||||||||||||||
| Altor | 182 cm | ||||||||||||||||||||||||||||||||||||||||||||||||||||||||||||||||||||
| Seudónimos | El gat de Maracanà | ||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||
Antoni Ramallets i Simón (1 de xunetu de 1924, Barcelona – 30 de xunetu de 2013, Vilafranca del Penedès) foi un futbolista y entrenador de fútbol español. Xugaba de porteru, desendolcando la mayor parte de la so carrera nel FC Barcelona.
Trayeutoria
[editar | editar la fonte]Xugador
[editar | editar la fonte]Nacíu nel barriu de Gracia de Barcelona el 1 de xunetu de 1924[3], dio los sos primeros pasos en dellos equipos aficionaos llocales, como'l Racing del Guinardó. En 1941 robló'l so primer contratu profesional col históricu CE Europa graciense. Depués, el serviciu militar obligó-y a treslladase a la Base Naval de San Fernando, en Cádiz, xugando nel equipu llocal. Depués foi treslladáu a Palma de Mallorca, xugando nel RCD Mallorca hasta 1946, añu en que fichó pol FC Barcelona. Nel club azulgrana nun-y foi fácil facese con un puestu nel equipu. Na temporada 1946/47 foi cedíu al Real Valladolid, daquella en Tercer división. Foi una pieza clave nel ascensu del club pucelanu a la Segunda división española, polo que'l FC Barcelona repescólu al final de temporada.
Tres dos años de suplencia, ensin malpenes xugar, a metá de la temporada 1949/50 fízose cola titularidá, tres una desafortunada mancadura ocular de Velasco mientres un partíu ente Celta y Barcelona. Les sos bones actuaciones abriéron-y les puertes de la seleición española, que lu convocó pa la Copa Mundial celebrada en Brasil al términu d'esa mesma temporada.
Nel FC Barcelona Ramallets foi'l porteru del llexendariu equipu de "les cinco copes", qu'ente 1951 y 1953 ganó dos lligues y trés copes. Hasta'l so retiru, en 1961, xugó un total de 538 partíos cola camiseta azulgrana y ye, tres Guillermo Amor, el barcelonista más gallardonáu: seis lligues, cinco Copes del Xeneralísimu y dos Copes de Feries, amás d'un socampeonatu de la Copa d'Europa.
A títulu personal, consiguió'l Troféu Zamora nes dos primeres ediciones (1958-59 y 1959-60) con una media de menos d'un gol encaxáu per partíu. Enantes de la institución d'esti troféu, Ramallets yá fuera'l porteru menos batíu de la lliga en trés temporaes: 1951-52, 1955-56 y 1956-57.
El 6 de marzu de 1962 recibió l'homenaxe de los aficionaos barceloniegos, que recordaben el so memorable papel como porteru. Enfrentáronse'l Barça y el Hamburger SV y acabó con un resultáu de 5-1 favorable a los llocales. Ramallets, que tenía 38 años, fixo cimblar el Camp Nou coles sos intervenciones, especialmente una increyíble parada dempués d'un xute del alemán Uwe Seeler.
Recibe un nuevu homenaxe'l 11 de marzu de 2008, cuando-y dieron la llave de Barcelona de manes del ex presidente del FC Barcelona, Joan Gaspart.[4]
Entrenador
[editar | editar la fonte]En 1962 fíxose cargu como entrenador del Real Valladolid, al que llevó a la so meyor clasificación de la historia en primer división, acabando nel cuartu puestu.[5] Al otru añu pasó a dirixir al Real Zaragoza coincidiendo cola nacencia de la dómina de Los Magníficos. Foi destituyíu nel mes de mayu, pero'l so socesor, Luis Belló, ganó esi añu la Copa del Xeneralísimu y la Copa de Feries.[6]
Na temporada 64-65 dirixó al Real Murcia, y darréu, yá en Segunda División de nuevu al Valladolid, al Club Deportivo Logroñés, al Hércules y al Ilicitano.[7]
Muerte
[editar | editar la fonte]Ramallets foi ingresáu'l 17 de xunu de 2013 nel hospital de Vilafranca del Penedès, por mor de complicaciones na salú. Recibió l'alta médica'l día 29 y cumplía reposu en casa yá que'l so estáu siguía siendo feble.[8] Finó nesa llocalidá barcelonesa'l 30 de xunetu de 2013, a la edá de 89 años.[9]
Clubes
[editar | editar la fonte]| Club | Estáu | Añu |
|---|---|---|
| CE Europa | España | 1941 |
| CD San Fernando | España | 1942 |
| RCD Mallorca | España | 1944 |
| Real Valladolid | España | 1946-1947 |
| FC Barcelona | España | 1947-1962 |
Palmarés
[editar | editar la fonte]Campeonatos estatales
[editar | editar la fonte]Copes internacionales
[editar | editar la fonte]| Títulu | Club | Estáu | Añu |
|---|---|---|---|
| Copa de Feries | FC Barcelona | España | 1958 |
| Copa de Feries | FC Barcelona | España | 1960 |
Gallardones individuales
[editar | editar la fonte]| Gallardón | Añu |
|---|---|
| Troféu Zamora | 1952 |
| Troféu Zamora | 1956 |
| Troféu Zamora | 1957 |
| Troféu Zamora | 1959 |
| Troféu Zamora | 1960 |
Referencies
[editar | editar la fonte]- ↑ URL de la referencia: https://web.archive.org/web/20090717003530/http://www.lavanguardia.es/deportes/noticias/20090713/53743727820/las-85-vidas-del-gato-con-alas.html.
- ↑ Afirmao en: Gran Enciclopèdia Catalana. Identificador de la Gran Enciclopedia Catalana: 0054072. Apaez como: Antoni Ramallets i Simon. Editorial: Grup Enciclopèdia. Llingua de la obra o nome: catalán.
- ↑ La fecha 4 de xunetu emplegada davezu ye un error, como dixo'l mesmu futbolista en La Vanguardia del 13.7.9 Las 85 vidas del 'Gato con Alas' azulgrana Archiváu 2009-07-17 en Wayback Machine
- ↑ «Ramallets recibe emocionado la llave de Barcelona». Archiváu dende l'orixinal, el 2008-06-19.
- ↑ tribunavalladolid.com Fallece l'ex-xugador y entrenador del Valladolid Antoni Ramallets, consultáu en marzu de 2014
- ↑ elperiodicodearagon.com Fallece Ramallets, entrenador del Real Zaragoza en la época de los Magníficos, consultáu en marzu de 2014
- ↑ bdfutbol.com Ficha de Ramallets como entrenador en bdfutbol.com, consultáu en marzu de 2014
- ↑ Ramallets cumple 89 años en casa
- ↑ Fallece a los 89 años Antoni Ramallets, el mítico portero del Barcelona
Enllaces esternos
[editar | editar la fonte]
Wikimedia Commons acueye conteníu multimedia sobre Antoni Ramallets i Simón.- Ficha d'Antoni Ramallets i Simón na FIFA
- Antoni Ramallets i Simón en BDFutbol (castellán)
- Antoni Ramallets i Simón en Soccerway (n'inglés)
- Antoni Ramallets i Simón en Transfermarkt (n'inglés)
- Antoni Ramallets i Simón en National-Football-Teams (n'inglés)
Datos: Q536867- Multimedia: Antoni Ramallets
- Futbolistes del Futbol Club Barcelona
- Futbolistes del Real Club Deportivo Mallorca
- Futbolistes del Real Valladolid Club de Fútbol
- Futbolistes de la seleición masculina de Cataluña
- Futbolistes de la seleición masculina d'España
- Homes
- Persones nacíes en 1924
- Persones finaes en 2013
- Futbolistes d'España
- Entrenadores de fútbol de Cataluña
- Persones de Barcelona
- Porteros de fútbol