Copa del Rei de fútbol

De Wikipedia
Saltar a: navegación, buscar

La Copa del Rei ye una competición ente clubes españoles de fútbol entamada añalmente pola Real Federación Española de Fútbol (RFEF). El so nome oficial ye Campeonato de España - Copa de Su Majestad el Rey (n'asturianu, Campeonatu d'España - Copa de la So Maxestá'l Rei), anque tamién ye conocida como La Copa.

La competición fundóse nel añu 1903, lo que la fai la competición de fútbol más vieya d'España. El ganador del tornéu tien drechu a participar na Lliga Europa de la UEFA de la temporada siguiente (esceuto que tea clasificáu pa la Lliga de Campeones de la UEFA).

El FC Barcelona ye'l campeón anguaño, dempués de ganar el so vixésimu novenu títulu escontra'l Deportivo Alavés SAD na final de 2017 xugada nel estadiu Vicente Calderón.

Hestoria[editar | editar la fonte]

Nomes[editar | editar la fonte]

La denominación hestórica y xenérica de la competición ye Campeonato de España (n'asturianu, Campeonatu d'España) anque'l nome oficial del tornéu foi camudando en función de quién fuera'l xefe d'estáu español, que ye quien da'l troféu dende la primer edición. Asina, dende 1903 hebo los nomes que vienen darréu:

  • Campeonato de España - Copa de Su Majestad el Rey (Campeonatu d'España - Copa de la So Maxestá'l Rei) ente 1903 y 1930.
  • Campeonato de España - Copa de Su Excelencia el Presidente de la República (Campeonatu d'España - Copa de la So Escelencia'l Presidente de la República) ente 1931 y 1936.
  • Torneo Nacional de Fútbol (Tornéu Nacional de Fútbol) en 1939.
  • Campeonato de España - Copa de Su Excelencia el Generalísimo (Campeonatu d'España - Copa de la So Escelencia'l Xeneralísimu) ente 1940 y 1976.
  • Campeonato de España - Copa de Su Majestad el Rey (Campeonatu d'España - Copa de la So Maxestá'l Rei) de 1977 fasta anguaño.

Ediciones[editar | editar la fonte]

En 1902 xugóse por iniciativa de Carlos Padrós, fundador y más tarde presidente del Madrid FC (anguaño Real Madrid CF), una competición de fútbol pa cellebrar la mayoría d'edá y la subida'l tronu del rei Alfonso XIII baxo'l nome de Concurso Madrid de Foot-ball o popularmente, Copa de la Coronación. Los participantes nel tornéu fueron: Madrid FC, FC Barcelona, Club Español de Foot-Ball, New Foot-Ball de Madrid y Club Bizcaya (un equipu formáu con xugadores del Athletic Club y del Bilbao FC).La final xugáronla esti últimu equipu y el FC Barcelona, resultando campeón el Club Bizkaya. Anque'l troféu d'esta competición guárdase nel muséu del Athletic Club y el club cunta la victoria nel so palmarés, la RFEF nun la reconoz oficialmente y considérala na más como precursora de la Copa del Rei.[1][2]

L'ésitu que tevo esa competición fizo que Carlos Padrós decidierá facer un tornéu añal a nivel nacional nel que participaren la mayor parte de los clubes qu'esistíen naquella xera, anque llimitaos a ún per rexón. Asina entama en 1903 el nomáu Campeonato de España baxo la organización del Madrid FC, xugándose los partíos nel Hipódromo de la Castellana (nel que yá se xugaren los de la Copa de la Coronación del añu anterior). El troféu pal campeón yera una copa donada pol rei Alfonso XIII que pasaría a propiedad del club que ganara'l tornéu tres años siguíos o cinco alternos. Esta primer edición xugóse col sistema de lliga y nella participaron na más tres equipos: el Club Español de Foot-ball (Catalunya), el Madrid FC (rexón centro) y Athletic Club (rexón norte). El campeón foi esti últimu, tres remontar un 2-0 inicial al Madrid FC nel partíu decisivu, qu'acabó 2-3.

La Copa del Rei foi'l campeonatu nacional del fútbol español dende 1903[3] fasta l'entamu del Campeonato de Liga — Campeonaut de Lliga, n'asturianu — en 1928. Al principiu foi conocida como Copa del Ayuntamiento de Madrid (Copa del Conceyu de Madrid). Ente 1905 y 1932 foi nomada Copa de Su Majestad El Rey Alfonso XIII (Copa de la So Maxestá'l Rei Alfonso XIII). Nos tiempos de la II República Española'l nome yera Copa del Presidente de la República o Copa de España (Copa d'España) y mientres de la dictadura de Francisco Franco'l tornéu pasó a ser la Copa de Su Excelencia El GeneralísimoCopa del Generalísimo (Copa de la So Escelencia'l Xeneralísimu o  Copa del Xeneralísimu). Na edición de 1904, l'Athletic Bilbao foi declaráu ganador pola non comparecencia del so rival, l'Español de Madrid. Tanto en 1910 como en 1913 hebo una dixebra ente los clubes y dos asociaciones rivales, la Unión Española de Clubs de Fútbol y la Federación Española de Fútbol, qu'entamaron dos competiciones distintes: la Copa UECF y la Copa FEF. En 1937, mentanto la Guerra Civil Española, los equipos de la zona republicana xugaron la Copa de la España Libre (Copa de la España Llibre) que ganó'l Levante UD tres de vencer 1-0 na final al Valencia CF. Anque'l Congresu de los Diputaos encamentó en 2007 a la RFEF a que reconociera el tornéu como una Copa del Rei ganada pol Levante UD,[4] la decisión sigue ensin ser tomada.[5]

Vistu'l discutiniu tocante a la competición de 1902, les estadístiques de los ganadores son tamién discutíos: el FC Barcelona ganó la Copa del Rei 29 vegaes, y xusto tres d'él ta l'Athletic club con 23 o 24 títulos dependiendo la fonte. A lo llargo de la hestoria de la competición hebo namás que 13 trofeos, que los equipos guarden en propiedá dempués de ganar cinco torneos, tres torneos en tres años siguíos o n'ocasiones especiales. Asina, el FC Barcelona tien cinco copes, l'Athletic Club tien tres y el Real Madrid CF tien una. Amás l'Athletic Club guarda un troféu como primer ganador de la competición, el Sevilla FC tien un Trofeo del Generalísimo (Troféu del Xeneralísimu) y el Club Atlético de Madrid otru como ganadores de la primer y cabera Copa del Xeneralísimu en 1939 y 1976 respeutivamente, que-yos fueron entregaos dempués de morrer Francisco Franco. N'avientu de 2010 entregóse-y al Sevilla FC (ganador del tornéu esi añu) otru troféu pa cellebrar la victoria d'España na Copa del Mundu de la FIFA de 2010.[6]

Enantes de la formación de la competición de lliga en 1929, el tornéu yera en realidá'l campeonatu nacional y los equipos clasificábense pal mesmu al traviés de lligues rexonales. A lo llargo de la hestoria la competición xugóse en varios formatos, incluyendo fases de grupos. A diferencia de la FA Cup inglesa, la entrada na competición ye llimitada: na más son invitaos a participar los equipos de Primera y Segunda División, dellos equipos de Segunda División B y los campeones de caún de los grupos de Tercera División (o un equipu que los sustituya si son filiales). Nes primeres rondes xuégase na más un partíu, y a partir de dieviseisavos de final según el sistema de partíos d'ida y vuelta. La final tien llugar nun campu neutral. L'equipu ganador del tornéu clasifícase pa la Supercopa d'España y pa la Lliga Europa de la UEFA de la temporada siguiente.

Llista de finales[editar | editar la fonte]

Temporada Sede Campeón Finalista Resultáu
1903 Hipódromo, Madrid Athletic Club Madrid FC 3 - 2
1904 Tiro del Pichón, Madrid Athletic Club --- Nun hebo final
1905 Tiro del Pichón, Madrid Madrid FC Athletic Club 1 - 0
1906 Hipódromo, Madrid Madrid FC Athletic Club 4 - 1
1905 Hipódromo, Madrid Madrid FC Bizcaya 1 - 0
1908 O'Donnell, Madrid Real Madrid
Real Vigo Sporting 2 - 1
1909 O'Donnell, Madrid
Real Sociedad Español de Madrid 3 - 1
1910 FEF Tiro del Pichón, Madrid FC Barcelona Español de Madrid 3 - 2
1910 UECF Ondarreta, Donostia Athletic Club Real Sociedad 1 - 0
1911 Josaleta, Getxo Athletic Club
RCD Espanyol 3 - 1
1912 La Industria, Barcelona FC Barcelona Gimnástica 2 - 0
1913 FEF O'Donnell, Madrid Racing de Irún‡ Athletic Club
1 - 0
1913 UECF La Industria, Barcelona
FC Barcelona Real Sociedad
2 - 1
1914 Costorbe, Irún Athletic Club Espanya 2 - 1
1915 Amute, Irún Athletic Club
RCD Español 5 - 0
1916 La Industria, Barcelona
Athletic Club
Madrid FC 4 - 0
1917 La Industria, Barcelona
Madrid FC Arenas 2 - 1
1918 O'Donnell, Madrid Real Unión Madrid FC 2 - 0
1919 Martínez Campos, Madrid Arenas FC Barcelona 5 - 2
1920 El Molinón, Xixón FC Barcelona Athletic Club
2 - 0
1921 San Mamés, Bilbao Athletic Club
Atlético de Madrid 4 - 1
1922 Coia, Vigo FC Barcelona Real Unión 5 - 1
1923 Les Corts, Barcelona Athletic Club
Europa 1 - 0
1924 Atotxa, Donostia Real Unión Real Madrid CF 1 - 0
1925 Reina Victoria, Sevilla FC Barcelona
Arenas 2 - 0
1926 Mestalla, Valencia FC Barcelona
Atlético de Madrid 3 - 2
1927 Torrero, Zaragoza Real Unión Arenas 1 - 0
1928 El Sardinero, Santander FC Barcelona
Real Sociedad 3 - 1
1928-29 Mestalla, Valencia
RCD Espanyol Real Madrid CF 2 - 1
1930 Montjuic, Barcelona Athletic Club
Real Madrid CF
3 - 2
1931 Chamartín, Madrid Athletic Club
Betis 3 - 1
1932 Chamartín, Madrid
Athletic Club FC Barcelona 1 - 0
1933 Montjuic, Barcelona
Athletic Club
Real Madrid CF
2 - 1
1934 Montjuic, Barcelona
Madrid Valencia CF 2 - 1
1935 Chamartín, Madrid
Sevilla FC Sabadell 3 - 0
1936 Mestalla, Valencia
Madrid FC Barcelona 2 - 1
1936–1939
Nun hebo competición por cuentes de la Guerra Civil Española
1939 Montjuic, Barcelona
Sevilla FC Racing de Ferrol 6 - 2
1940 Campo de Vallecas, Madrid RCD Español Real Madrid CF
3 - 2
1941 Chamartín, Madrid
Valencia CF RCD Espanyol 3 - 1
1942 Chamartín, Madrid
FC Barcelona Club Atlético de Bilbao
4 - 3
1943 Estadio Metropolitano, Madrid Club Atlético de Bilbao Real Madrid CF
1 - 0
1944 Montjuic, Barcelona
Club Atlético de Bilbao
Valencia CF
2 - 0
1944-45 Montjuic, Barcelona
Club Atlético de Bilbao
Valencia CF
3 - 2
1946 Montjuic, Barcelona
Real Madrid CF
Valencia CF
3 - 1
1947 Riazor, A Coruña Real Madrid CF
RCD Español 2 - 0
1947-48 Chamartín, Madrid
Sevilla FC Celta de Vigo 4 - 1
1948-49 Chamartín, Madrid
Valencia CF
Club Atlético de Bilbao
1 - 0
1949-50 Chamartín, Madrid
Club Atlético de Bilbao
Valladolid 4 - 1
1951 Chamartín, Madrid
FC Barcelona
Real Sociedad 3 - 0
1952 Chamartín, Madrid
FC Barcelona
Valencia CF
4 - 2
1952-53 Chamartín, Madrid
FC Barcelona
Club Atlético de Bilbao
2 - 1
1954 Chamartín, Madrid
Valencia CF
FC Barcelona
3 - 0
1955 Santiago Bernabéu, Madrid Club Atlético de Bilbao
Sevilla FC 1 - 0
1956 Santiago Bernabéu, Madrid
Club Atlético de Bilbao
Club Atlético de Madrid
2 - 1
1957 Montjuic, Barcelona FC Barcelona
RCD Español 1 - 0
1958 Santiago Bernabéu, Madrid
Club Atlético de Bilbao
Real Madrid CF
2 - 0
1958-59 Santiago Bernabéu, Madrid
FC Barcelona
Granada CF 4 - 1
1959-60 Santiago Bernabéu, Madrid
Club Atlético de Madrid Real Madrid CF
3 - 1
1960-61 Santiago Bernabéu, Madrid
Club Atlético de Madrid
Real Madrid CF
3 - 2
1961-62 Santiago Bernabéu, Madrid
Real Madrid CF
Sevilla CF 2 - 1
1962-63 Camp Nou, Barcelona FC Barcelona Real Zaragoza CD 3 - 1
1963-64 Santiago Bernabéu, Madrid
Real Zaragoza CD
Club Atlético de Madrid
2 - 1
1964-65 Santiago Bernabéu, Madrid Club Atlético de Madrid
Real Zaragoza CD
1 - 0
1965-66 Santiago Bernabéu, Madrid
Real Zaragoza CD
Club Atlético de Bilbao 2 - 0
1966-67 Santiago Bernabéu, Madrid
Valencia CF Club Atlético de Bilbao
2 - 1
1967-68 Santiago Bernabéu, Madrid
FC Barcelona
Real Madrid CF
1 - 0
1969 Santiago Bernabéu, Madrid
Club Atlético de Bilbao
Elche CF 1 - 0
1969-70 Camp Nou, Barcelona Real Madrid CF
Valencia CF
3 - 1
1970-71 Santiago Bernabéu, Madrid
FC Barcelona
Valencia CF
4 - 3
1971-72 Santiago Bernabéu, Madrid
Club Atlético de Madrid
Valencia CF
2 - 1
1972-73 Vicente Calderón, Madrid Athletic Club de Bilbao Castellón 2 - 0
1973-74 Vicente Calderón, Madrid
Real Madrid CF
FC Barcelona
4 - 0
1974-75 Vicente Calderón, Madrid
Real Madrid CF
Club Atlético de Madrid
0 - 0 (p. 4 - 3)
1975-76 Santiago Bernabéu, Madrid
Club Atlético de Madrid
Real Zaragoza CD 1 - 0
1976-77 Vicente Calderón, Madrid
Real Betis Balompié Athletic Club de Bilbao 2 - 2 (p. 8 - 7)
1977-78 Santiago Bernabéu, Madrid
FC Barcelona UD Las Palmas 3 - 1
1978-79 Vicente Calderón, Madrid
Valencia CF Real Madrid CF
2 - 0
1979-80 Santiago Bernabéu, Madrid
Real Madrid CF Castilla CF ‡‡ 6 - 1
1980-81 Vicente Calderón, Madrid
FC Barcelona
Real Sporting de Gijón 3 - 1
1981-82 José Zorrilla, Valladolid Real Madrid CF
Real Sporting de Gijón 2 - 1
1982-83 La Romareda, Zaragoza FC Barcelona
Real Madrid CF
2 - 1
1983-84 Santiago Bernabéu, Madrid
Athletic Club FC Barcelona
1 - 0
1984-85 Santiago Bernabéu, Madrid
Club Atlético de Madrid
Athletic Club
2 - 1
1985-86 Vicente Calderón, Madrid
Real Zaragoza CD
FC Barcelona
1 - 0
1986-87 La Romareda, Zaragoza Real Sociedad de Fútbol Club Atlético de Madrid
2 - 2 (p. 4 - 2)
1987-88 Santiago Bernabéu, Madrid
FC Barcelona
Real Sociedad de Fútbol
1 - 0
1988-89 Vicente Calderón, Madrid
Real Madrid CF
Real Valladolid 1 - 0
1989-90 Luis Casanova, Valencia FC Barcelona
Real Madrid CF
2 - 0
1990-91 Santiago Bernabéu, Madrid
Club Atlético de Madrid
RCD Mallorca 1 - 0
1991-92 Santiago Bernabéu, Madrid
Club Atlético de Madrid
Real Madrid CF
2 - 0
1992-93 Luis Casanova, Valencia Real Madrid CF
Real Zaragoza SAD 2 - 0
1993-94 Vicente Calderón, Madrid Real Zaragoza SAD
RC Celta de Vigo SAD 0 - 0 (p. 5 - 4)
1994-95 Santiago Bernabéu, Madrid RC Deportivo de La Coruña SAD Valencia CF SAD 2 -1
1995-96 La Romareda, Zaragoza Club Atlético de Madrid SAD FC Barcelona 1 - 0 (añad.)
1996-97 Santiago Bernabéu, Madrid
FC Barcelona
Real Betis Balompié SAD 3 - 2 (añad.)
1997-98 Mestalla, Valencia FC Barcelona
RCD Mallorca SAD 1 - 1 (p. 5 - 4)
1998-99 La Cartuja, Sevilla Valencia CF SAD
Club Atlético de Madrid SAD
3 - 0
1999-2000 Mestalla, Valencia
RCD Espanyol SAD Club Atlético de Madrid SAD
2 - 1
2000-01 La Cartuja, Sevilla
Real Zaragoza SAD
RC Celta de Vigo 3 - 1
2001-02 Santiago Bernabéu, Madrid
RC Deportivo de La Coruña SAD
Real Madrid CF
2 - 1
2002-03 Martínez Valero, Elche RCD Mallorca SAD RC Recreativo de Huelva SAD 3 - 0
2003-04 Lluís Companys, Barcelona Real Zaragoza SAD
Real Madrid CF
3 - 2 (añad.)
2004-05 Vicente Calderón, Madrid
Real Betis Balompié SAD Club Atlético Osasuna 2 - 1 (añad.)
2005-06 Santiago Bernabéu, Madrid
RCD Espanyol SAD
Real Zaragoza SAD
4 - 1
2006-07 Santiago Bernabéu, Madrid
Sevilla FC SAD Getafe CF SAD 1 - 0
2007-08 Vicente Calderón, Madrid
Valencia CF SAD
Getafe CF SAD 3 - 1
2008-09 Mestalla, Valencia
FC Barcelona
Athletic Club 4 - 1
2009-10 Camp Nou, Barcelona Sevilla FC SAD Club Atlético de Madrid SAD
2 - 0
2010-11 Mestalla, Valencia Real Madrid CF
FC Barcelona
1 - 0 (añad.)
2011-12 Vicente Calderón, Madrid
FC Barcelona Athletic Club 3 - 0
2012-13 Santiago Bernabéu, Madrid Club Atlético de Madrid SAD Real Madrid CF
2 - 1 (añad.)
2013-14 Mestalla, Valencia Real Madrid CF FC Barcelona
2 - 1
2014-15 Camp Nou, Barcelona FC Barcelona
Athletic Club 3 - 1
2015-16 Vicente Calderón, Madrid
FC Barcelona
Sevilla FC SAD 2 - 0 (añad.)
2016-17 Vicente Calderón, Madrid FC Barcelona Deportivo Alavés SAD 3 - 1
2017-18

‡ Xunióse en 1915 al Irún Sporting Club pa formar el Real Unión Club de Irún.

‡‡ Filial del Real Madrid CF. Los equipos filiales dexaron de poder competir nel tornéu de 1990-91.

Referencies[editar | editar la fonte]

  1. «Spain – Cup 1902». www.rsssf.com. Archiváu dende l'orixinal, el 1 de febreru de 2010.
  2. «La FEF no reconocerá al Barça la Liga del año 1937» (spanish). As.com (25 de mayu de 2012).
  3. «Palmarés». Diario Marca. Consultáu'l 6 de xineru de 2010.
  4. «El Levante, a un paso de la Copa... de 1937». El Pais. http://www.elpais.com/articulo/deportes/Levante/paso/Copa/1937/elpepudep/20070925elpepudep_13/Tes. 
  5. «Trophy Villar Cup delay Levante». www.levante-emv.com (News Sports). Consultáu'l 4 de marzu de 2008.
  6. «El Sevilla se queda en propiedad con la Copa del Rey gracias a España». MARCA.COMMARCA.COM. Consultáu'l 26 d'abril de 2011.

Enllaces esternos[editar | editar la fonte]