Saltar al conteníu

Ammodramus leconteii

De Wikipedia
18-11-2006 00:00

Les especies d'aves con nome común en llingua asturiana márquense como NOA. En casu contrariu, conséñase'l nome científicu.

Ammodramus leconteii
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Emberizidae
Xéneru: Ammodramus
Especie: A. leconteii
(Audubon, 1844)
Distribución
Consultes
[editar datos en Wikidata]

Ammodramus leconteii ye una especie d'ave migratoria de la familia de los emberízidos. Distribúiese per Canadá y los Estaos Xuníos.

Ye un pequeñu gorrión que les sos partes dorsales son de color pardu escuru y claro; el pechu ye pardu claru y el banduyu ye blancu, con fines rayes nes bandes. La cabeza ye grande y plana, con una corona escura estremada nel centru por una raya clara. La cara ye color naranxa con un parche buxu en cada mexella. El picu ye rellativamente grande, escuru, y la cola ye curtia.

El so hábitat en dómina reproductiva son árees de camperes en Canadá (dende'l centru del país hasta la provincia de Quebec) y nel norte-centru de los Estaos Xuníos. El nial ye una taza abierta construyida ente campera seca o bien direutamente sobre'l suelu.

Estes aves migren pel iviernu escontra'l sureste de los Estaos Xuníos.

Aliméntense buscando alimentu nel suelu, principalmente d'inseutos y granes.

El machu canta dende un llugar rellativamente ocultu. El cantar ye un agudu tik siguíu d'un siséu asemeyáu al del gorrión de Nelson (A. caudacutus nelsoni).

John James Audubon nomó a la especie n'honor d'un amigu, el doctor LeConte. Xeneralmente asúmese que foi'l naturalista estauxunidense John Lawrence LeConte (1825-1883), anque tamién podría tratase del científicu John LeConte (1818-1891), tamién doctor, y primu de John Lawrence.

Referencies[editar | editar la fonte]

Referencies[editar | editar la fonte]

Enllaces esternos[editar | editar la fonte]