Aldhibain

De Wikipedia
Saltar a navegación Saltar a la gueta
Aldhibain
Aldhibain
Constelación Draco
Ascensión reuta α 16h 23min 59,49s
Declinación δ +61º 30’ 51,2’’
Distancia 88 años lluz
Magnitú visual +2,73
Magnitú absoluta +0,58
Lluminosidá 61 soles
Temperatura 5000 K
Masa 2,5 soles
Radiu 9,8 soles
Tipu espectral G8IIIb
Velocidá radial -14,3 km/s

Aldhibain (η Draconis / η Dra / 14 Draconis)[1] ye la segunda estrella más brillosa de la constelación de Draco dempués de Etamin (γ Draconis). El nome de Aldhibain provién del árabe الذئبين al-Dhibain y significa «los dos llobos». La estrella ζ Draconis, visualmente cerca pero ensin una rellación real con Aldhibain, recibe'l nome, bien similar, de Aldhibah. De magnitú aparente +2,73, Aldhibain alcuéntrase a 88 años lluz del Sistema Solar.

Aldhibain ye una xigante mariella de tipu espectral G8IIIb de 5000 K de temperatura, que la so lluminosidá ye 61 vegaes mayor que la del Sol. El so radiu, non tan grande pa ser una estrella xigante, ye 9,8 vegaes mayor qu'el radiu solar —valor llográu a partir de la midida del so diámetru angular, 0,0038 segundos d'arcu—. Xira bien amodo alredor de la so exa, con un periodu de rotación d'unos 400 díes.[2] Amuesa un conteníu metálico inferior a la solar ([Fe/H] = -0,17).[3] Al igual qu'otres estrelles asemeyaes, Aldhibain emite rayos X sele y paez ser llixeramente variable, recibiendo la denominación de variable provisional NSV 7713.

Aldhibain tien una tenue acompañante a 53 segundos d'arcu de magnitú 8,8. Ye una nana naranxa de tipu K1V dixebrada siquier 140 UA de la componente principal con un periodu orbital de, siquier, 1000 años.[2]

Referencies[editar | editar la fonte]