Al Niyat

De Wikipedia
Saltar a navegación Saltar a la gueta
Al Niyat
Al Niyat A/C/B
Constelación Scorpius
Ascensión reuta α 16h 21min 11,3s
Declinación δ -25º 35’ 34’’
Distancia 735 ± 134 años lluz
Magnitú visual +2,90 (+2,90 / +5,2 / +8,7)
Magnitú absoluta -3,86
Tipu espectral O9V + B2III / B ? / B9
Velocidá radial -0,4 km/s

Al Niyat (σ Sco / σ Scorpii / 20 Scorpii) ye una estrella na constelación d'Escorpiu, el escorpión, de magnitú aparente +2,90. El so nome vien del árabe النياط an-niyāţ, y significa «les arteries» (del escorpión), en referencia a les dos estrelles que flanqueen a Antares (α Scorpii) —el corazón del escorpión—, σ Scorpii y τ Scorpii.

Al Niyat forma un sistema estelar cuádruple. Los dos estrelles principales son dos estrelles calientes, una estrella azul del raru tipu espectral O9V y una xigante azul de tipu B2III, siendo'l periodu orbital de 33 díes. Puesto que la distancia del sistema nun ye bien conocida (envalórase que ta a 735 años lluz de distancia, pero con un error de ± 134) y asumiendo que la lluminosidá de dambes estrelles puede ser similar, caúna d'elles puede rellumar como 30.000 soles aproximao, una vegada considerada la radiación ultravioleta qu'emiten. Piénsase que la xigante azul B2 ye una variable Beta Cephei, que fai que la so magnitú aparente varie cuasi imperceptiblemente ente +2,86 y +2,94 nun periodu de daqué menos de 6 hores.

Visualmente a mediu segundu d'arcu, que correspuende a una distancia real de siquier 120 UA, esiste una tercer estrella de magnitú aparente +5,2 denomada Al Niyat C. El so periodu orbital alredor del par interior ye de más de 100 años. Paez que ye una estrella de tipu espectral B.

A una distancia entá mayor, a 20 segundos d'arcu y más de 4500 UA, puede apreciase una cuarta estrella, Al Niyat B. Ye tamién una estrella azul de la secuencia principal anque daqué más fría que les otres y clasificada como B9. La so magnitú aparente ye +8,7.

Referencies[editar | editar la fonte]