Adrienne Shelly

De Wikipedia
Saltar a navegación Saltar a la gueta
Adrienne Shelly
Adrienne Shelly
Adrienne Shelly as Dannie and Max Parish as Eli Bud Fritz.jpg
Vida
Nacimientu Queens24 de xunu de 1966
Nacionalidá Bandera de Estaos Xuníos d'América Estaos Xuníos
Fallecimientu

Manhattan1 de payares de 2006

(40 años)
Causa de la muerte homicidiu
Estudios
Estudios Universidá de Boston
Llingües inglés
Oficiu
Oficiu guionista, direutor de cine, actor y actor de cine
IMDb nm0791248
Cambiar los datos en Wikidata

Adrienne Shelly (24 de xunu de 1966 - 1 de payares de 2006) foi una actriz d'Estaos Xuníos.

Biografía[editar | editar la fonte]

L'actriz, escritora y direutora de cine nació nel barriu neoyorquín de Queens col nome de Adrienne Levine. Taba casada con Andy Ostroy, con quien tenía una fía, Sophie, de 3 años.

Debutó como actriz de la mano del direutor Hal Hartley nel filme ‘La increíble verdá’ (‘The Unbelievable Truth’, 1989), nel qu'interpretó a una murnia adolescente, y un añu dempués apaeció como protagonista en ‘Confía en mi’ (‘Trust’, 1990), col mesmu direutor.‘The Girl From Monday’ ganó'l premiu Noves Visions nel Festival de Sitges de 2005. Lo último que fixo ye ‘Fay Grim’ (2006), remortina de ‘Henry Fool’ que pudo vese nel Festival de Toronto.

Apocayá apaeciera nel filme ‘Factotum’ (2005), xuntu con Matt Dillon. Tamién escribió'l guion y ocupóse de la dirección de media docena de filmes, ente ellos ‘I’l Take You There’ (1999) y ‘Waitress’ (2006), con Keri Russell, Cheryl Hines y Nathan Fillion.

Muerte[editar | editar la fonte]

Shelly foi topada muerta colgada con una sábana sobre la bañera. La familia nun daba creitu a que la muyer, que nin siquier dexara una nota, quitárase la vida. Como si d'un casu de C.S.I. tratárase, la insistencia de la familia y l'afayu d'unes buelgues nel cuartu de bañu, que nun correspondíen a los zapatos qu'usaba la víctima, amás d'otros detalles como'l de que la sábana nun tuviera tirante, llevó a la policía a abarruntar que se trataba d'un montaxe realizáu pol asesín.

L'ecuatorianu Diego Pillco, obreru de la construcción de 19 años, confesó l'asesinatu de Adrienne Shelly nuna declaración por escritu y en cinta de video, dixo'l fiscal axuntu Marit Delozier na audiencia de comparecencia de Pillco na Corte Suprema estatal. Ordenóse la detención de Pillco ensin derechu a pagu de fianza hasta una audiencia. Al paecer, l'acusáu aldericó con Shelly dempués de qu'ésta se quexara de los ruios que proveníen d'un apartamentu asitiáu debaxo del so. Mientres el discutiniu, el mozu cutió a la muyer dexándola inconsciente y trató d'aparentar que se trataba d'un suicidiu. La fiscal esplicó qu'evidencies forenses indicaben que Shelly nun morrió a consecuencia del golpe recibíu sinón por causa de una compresión del pescuezu.

Enllaces esternos[editar | editar la fonte]