Adolfo Camilo Díaz

De Wikipedia
Saltar a navegación Saltar a la gueta
Adolfo Camilo DíazPicto infobox auteur.png
Vida
Nacimientu

Caborana1963

[2] (56/57 años)
Nacionalidá Flag of Spain.svg España
Estudios
Estudios Universidá d'Uviéu
Llingües castellanu
asturianu
Oficiu
Oficiu escritor
Cambiar los datos en Wikidata

Adolfo Camilo Díaz López (1963Caborana) ye un escritor, dramaturgu, cantautor, xestor cultural ya historiador asturianu y miembru de l'Academia de la Llingua Asturiana dende 1988. Como escritor destaca como autor de testos teatrales y de noveles curties y tien ganaos dellos de los premios más prestixosos de la lliteratura asturiana, como'l Premiu Alejandro Casona de Teatru (2005), el Xosefa de Xovellanos (en cuatro ocasiones, 1985, 1995, 2006 y 2009), el Premiu Montesía de Novela Xuvenil (en dos ocasiones, 2006 y 2011), el Premiu Xosefa Canellada (2016), el de novela curtia de l'Academia de la Llingua Asturiana (1987), y otros como el Fernández Lema de narrativa, el Premiu de Cuentos de Ḷḷena, Bimenes pola Oficialidá, Garrapiellu, Campo de los Patos o'l Premio Nacional de Novela de UGT...

Adolfo Camilo Díaz llicencióse en Historia na Universidá d'Uviéu, onde fizo un trabayu d'investigación sobre Paul Naschy: El cine fantaterrorífico español (Santa Bárbara 1993), onde crea'l conceutu de "fantaterror" nel argot cinematográficu español.

Entamó nel teatru col grupu de teatru de la Universidá Llaboral de Xixón Guaxa en 1979. En 1980 creó'l Taller Laboratorio de Teatro de Avilés xunto a Rafael Mijares y José Rico. En 1981 fundó'l grupu de teatru esperimental Güestia, nel que coincidió con Xuan Bello. El grupu acabó disolviéndose y dando pasu a una banda de rock del mesmu nome (Güextia), qu'asoleyó un discu tituláu Inaux. Años más tarde, en 1982, formó el coleutivu teatral Amorecer, col que presentó varios espectáculos entre los que destaca El suañu la razón (1985). Esti espectáculu ta basáu nun collage de testos de Goethe, Kafka, Mediero y el propiu Adolfo Camilo Díaz. En 2017 estrena nel Teatru Xovellanos de Xixón Muyeres inesperaes, el biltu de la primer sitcom n'asturianu, una serie de la que ye responsable del so guión y de la so direición.

Nel ámbitu institucional trabayó como animador cultural nos conceyos d'Uviéu, Carreño, Avilés y Corvera y, anguaño ye Xerente de Cultura nel conceyu de Corvera. Foi conseyeru constituyente del Conseyu d'Alministración de la Radiotelevisión del Principado de Asturias (RTPA) dende l'aniciu hasta 2011.

Aparte de la fundación de la revista Al Bellume (espublizada ente 1986 y 1989) y de les sos collaboraciones na prensa (en La Nueva España, La Voz de Avilés, La Voz de Asturias, la Hoja del Lunes d'Uviéu y Les Noticies), asoleyó una montonera de llibros, principalmente de narrativa o rellacionaos col teatru. Ye tamién traductor de la obra de José Viale Moutinho y de Jules Verne.

Arriendes d'esto, una parte de les sos obres traduxéronse al portugués, francés ya inglés.

Obra[editar | editar la fonte]

Narrativa[editar | editar la fonte]

  • Añada pa un güeyu muertu, 1985, premiu Xosefa Xovellanos.
  • L'otru Sherlock Holmes, 1986
  • Pequeña lloba enllena d'amor, 1988, premiu de novela curtia de l'Academia de la llingua asturiana.
  • Miénteme, dime la verdá, 1989.
  • L'home que quería ser estatua, 1991
  • Diariu de viaxe, 1995, premiu Xosefa Xovellanos.
  • El vientre del círculu, 1996.
  • Venus, Occidente y otros cuentos éticos, 1997
  • Nunca nun te fíes de la xente que nun enseña los dientes al rise, 1998
  • Nueche, 2002
  • Suañé Cabu Verde. Nunca ye endemasiao tiempu, 2003
  • Imago, 2006, premiu Xosefa Xovellanos.
  • Advenimientu, 2008, premiu Xosefa Xovellanos.

Narración xuvenil[editar | editar la fonte]

Teatru[editar | editar la fonte]

  • Psicokiller, 1993
  • País. Una traxicomedia asturiana, 2004

Monólogu[editar | editar la fonte]

  • Nelón y el sexu sentíu (y otros socedíos), 2002

Ensayu[editar | editar la fonte]

  • Pentimento I, 1992
  • El teatru popular asturianu, 2002
  • En tables, 2006

Traducciones[editar | editar la fonte]

  • José Viale Moutinho: Mázcares venecianes, 1989
  • José Viale Moutinho: Cuentos fantásticos (a comuña con Xandru Fernández), 1992
  • Jules Verne: L’eternu Adán, 1992.
  • José Viale Moutinho: Nombres de árboles quemados, 1993.

Programes radiofónicos[editar | editar la fonte]

  • El gran teatru del mundu (RPA), 2013

Referencies[editar | editar la fonte]

  1. Identificador BNE: XX1071367. Apaez como: Adolfo Camilo Díaz. Data de consulta: 9 ochobre 2017.
  2. Afirmao en: SNAC. Identificador SNAC Ark: w6321wh9. Apaez como: Adolfo Camilo Díaz. Data de consulta: 9 ochobre 2017. Llingua de la obra o nome: inglés.

Enllaces esternos[editar | editar la fonte]