Adolfo Camilo Díaz

De Wikipedia
Saltar a navegación Saltar a la gueta
Adolfo Camilo DíazPicto infobox auteur.png
Vida
Nacimientu

Caborana1963

(55/56 años)
Nacionalidá Bandera d'España España
Estudios
Estudios Universidá d'Uviéu
Llingües castellanu
asturianu
Oficiu
Oficiu escritor
Cambiar los datos en Wikidata

Adolfo Camilo Díaz López (1963Caborana) ye un escritor, home de teatru y xestor cultural asturianu. Como escritor destaca como autor de testos teatrales y de noveles curties y tien ganaos dellos de los premios más prestixosos de la lliteratura asturiana, como'l Xosefa de Xovellanos (en dos ocasiones) o'l de novela curtia de l'Academia de la Llingua Asturiana.

Adolfo Camilo Díaz nació en Caborana (Ayer) en 1963 y llicencióse en Historia na Universidá d'Uviéu.

En 1979 fundó'l grupu de teatru esperimental Güestia, nel que coincidió con Xuan Bello. El grupu acabó disolviéndose y dando pasu a una banda de rock del mesmu nome, qu'asoleyó un discu tituláu Inaux. Años más tarde, en 1984, formó el coleutivu teatral "Amorecer", col que presentó varios espectáculos entre los que destaca El suañu la razón (1985). Esti espectáculu ta basáu nun collage de testos de Goethe, Kafka, Mediero y el propiu Adolfo Camilo Díaz.

Nel ámbitu institucional trabayó como animador cultural nos conceyos de Carreño y Corvera y, dende 2004, ye direutor de cultura del ayuntamientu d'Avilés. Tamién forma parte del Conseyu d'Alministración de la Radiotelevisión asturiana.

Aparte de la fundación de la revista "Al Bellume" (espublizada ente 1986 y 1989) y de les sos collaboraciones na prensa (en La Nueva España y Les Noticies) asoleyó hasta la fecha 17 llibros, principalmente de narrativa o rellacionaos col teatru. Ye tamién traductor de la obra de José Viale Moutinho y de Jules Verne.

Obra[editar | editar la fonte]

Narrativa[editar | editar la fonte]

  • Añada pa un güeyu muertu, 1985 , premiu Xosefa de Xovellanos.
  • L'otru Sherlock Holmes 1986
  • Pequeña lloba enllena d'amor , 1988, premiu de novela curtia de l'Academia de la llingua asturiana.
  • Miénteme, dime la verdá 1989.
  • L'home que quería ser estatua 1991
  • Diariu de viaxe 1995 , premiu Xosefa Xovellanos.
  • El vientre del círculu 1996.
  • Venus, Occidente y otros cuentos éticos 1997
  • Nunca nun te fíes de la xente que nun enseña los dientes al rise 1998
  • Nueche 2002
  • Suañé Cabu Verde. Nunca ye endemasiao tiempu. 2003

Narración xuvenil[editar | editar la fonte]

Teatru[editar | editar la fonte]

  • Psicokiller 1993
  • País. Una traxicomedia asturiana 2004

Monólogu[editar | editar la fonte]

  • Nelón y el sexu sentíu (y otros socedíos) 2002

Ensayu[editar | editar la fonte]

  • Pentimento I 1992
  • El teatru popular asturianu 2002

Traducciones[editar | editar la fonte]

  • José Viale Moutinho: Mázcares venecianes 1989
  • José Viale Moutinho: Cuentos fantásticos (a comuña con Xandru Fernández) 1992
  • Jules Verne: L’eternu Adán 1992.
  • José Viale Moutinho: Nombres de árboles quemados 1993.

Enllaces esternos[editar | editar la fonte]