Diariu de viaxe

De Wikipedia
Saltar a navegación Saltar a la gueta
Diariu de viaxe
Datos
Autor Adolfo Camilo Díaz
Fecha 1995 y 2011
Títulu orixinal 'Diariu de viaxe'
Editorial orixinal Ediciones Trabe
Cambiar los datos en Wikidata

Diariu de viaxe ye una novela d'Adolfo Camilo Díaz que ganó'l premiu Xosefa Xovellanos nel añu 1995. Nel 2011 volvió a publicase dientro de la colección 'Clásicos y contemporanios' d'Ediciones Trabe.

Argumentu[editar | editar la fonte]

Esta obra ta dividía en tres parte: 'Diariu', 'Viaxe' y 'Diariu de viaxe'. Trátase d'un viaxe a la memoria d'una xeneración, d'una xente que siempres tuvo nel zimbru la mar, L'Habana, Cuba y la so revolución. Pero Diariu de viaxe nun ye una novela sobre Cuba, por más que la Revolución y L'Habana Vieya andulien ente les sos páxines, que devolen rápido. Esta novela ye un viaxe al pasáu y a la memoria, a la firida que la infancia dexó abierta en Xuan, que vuelve pa realcontrase colos muertos y colos vivos, pero sobremanera p'alcontrase a sigo mesmu. Na novela, nárrase la vuelta a Cuba d'un cubanu d'orixe asturianu que viviere dende neñu n'Asturies, en busca de so pá. Al rodiu d'esta trama filase una trama que narra la vida actual en Cuba y el tresfondu de la Revolución.