Margaret Sullavan

Margaret Sullavan
Vida
Nacimientu	Norfolk, 16 de mayu de 1909
Nacionalidá	Estaos Xuníos
Muerte	New Haven, 1 de xineru de 1960 (50 años)
Sepultura	Virxinia
Causa de la muerte	sobredosis
Familia
Padre	Cornelius Sullavan
Madre	Garland Brooke Council
Casada con	Henry Fonda (1931 – 1933) William Wyler (1934 – 1936) Leland Hayward (1936, 1936 – 1947) Kenneth Wagg (en) (1950 – )
Fíos/es	Brooke Hayward Bridget Hayward (en) William Leland Hayward (en)
Estudios
Estudios	Chatham Hall (en)
Llingües falaes	francés
Oficiu	actriz de cine, actriz de teatru, actriz de televisión
Premios	ver Estrella del Paséu de la Fama de Hollywood Donaldson Awards
Nominaciones	ver Óscar a la meyor actriz (5 febreru 1939): Three Comrades
IMDb	nm0837925

Margaret Brooke Sullavan (16 de mayu de 1909, Norfolk – 1 de xineru de 1960, New Haven) foi una actriz d'Estaos Xuníos.

Trayeutoria

Margaret Sullavan nació'l 16 de mayu de 1909, anque, por error, en munchos archivos apaez como fecha de la so nacencia l'añu [[1919].

Dende la so mocedá sintió enclín pola interpretación y la danza. Debutó nos escenarios a la edá de 17 años cola compañía University Players. Nella atopábense daquella, ente otros, James Stewart, con quien caltendría una duradera amistá y con quien trabayó en delles películes; y tamién Henry Fonda, con quien tuvo casada mientres un curtiu periodu, siendo tamién compañeros na película The Moon Is Our Home.

Con 20 años debutó en Broadway y en 1933 empezó la so estraordinaria carrera cinematográfica, pos foi actriz principal dende la so primer película "Paez que foi ayeri", dirixida por John M. Stahl, en 1933.

Depués rodó cuatro film de Frank Borzage, bien afamaos (1934, 1936, 1938, 1940); pola so actuación con él en Trés collaciu recibió la so única nominación al Oscar, pero la ganadora foi Bette Davis, con Jezabel. Tamién rodó una comedia con William Wyler (1935) y un filme con King Vidor, nesi mesmu añu. En 1940 interpretó la destacada comedia El bazar de les sorpreses, para Ernst Lubitsch.

A finales de los años 40 la so salú empezó a debilitase; perdió audición, y les sos apaiciones cinematográfiques menguaron considerablemente. A pesar d'ello siguió cola so esitosa carrera teatral.

Casóse cuatro veces, tuvo por homes a Henry Fonda, William Wyler, Lelan Hayward y Kenneth Wagg.

El 1 de xineru de 1960 morrió por una sobredosis de barbitúricos nun hotel de New Haven, ensin que se sepa a ciencia cierta si tratar d'una muerte accidental o d'un suicidiu.

Películes (seleición)

• Paez que foi ayeri, 1933, de John M. Stahl
• Y, agora, ¿qué? (Little Man, What Now?), 1934, de Frank Borzage
• Una moza anxelical (The Good Fairy), 1935, de William Wyler
• Paz na guerra, 1935, de King Vidor
• Cuando volvamos amar, 1936, de Edward H. Griffith
• Trés collaciu (Three Comrades), 1936, de Frank Borzage
• L'ánxel negru, 1938) de H. C. Potter
• The Shining Hour (The Shining Hour), 1938, de Frank Borzage
• Nube mortal (The Mortal Storm), 1940, de Frank Borzage
• El bazar de les sorpreses (The Shop Around the Corner), 1940, de Ernst Lubitsch
• So ends our night, 1941, de John Cromwell
• La so vida íntima, 1941, de Robert Stevenson
• Cry Havoc, 1943, de Richard Thorpe.

Enllaces esternos

• Wikimedia Commons tien conteníu multimedia tocante a Margaret Sullavan.
• Margaret Sullavan na Internet Movie Database (n'inglés)
• Margarte Sullavan en IBDb - Internet Broadway Database (n'inglés)

• Datos: Q238036
• Multimedia: Margaret Sullavan