Remi d'Auxerre

Remi d'Auxerre
Vida
Nacimientu	Borgoña, 841 (greg.)
Nacionalidá	Francia
Muerte	París, 908 (greg.) (66/67 años)
Estudios
Llingües falaes	llatín
Alumnu de	Erico de Auxerre
Profesor de	Odón de Cluny (es)
Oficiu	filósofu, teólogu, escritor, mitógrafu
Creencies
Relixón	Ilesia Católica
Orde relixosa	Orde de San Benitu

Remi d'Auxerre (841 ^(greg.), Borgoña – 908 ^(greg.), París), conocíu tamién como Remigius Antissiodorensis, foi un teólogu y monxu benedictín francés del Renacimientu carolinxu, gramáticu y bien prolíficu autor de comentarios y gloses a testos clásicos en llatín y griegu.

Biografía

Foi alumnu de Lupus Servatus o Lope de Ferrières y d'Heiric d'Auxerre y maestru de la Escuela de l'Abadía de San Germán d'Auxerre (Saint Germain d'Auxerre) y depués en París y Reims. Acompañó al so maestru Heiric (876) y depués tomó'l so puestu estremándose na enseñanza de les artes lliberales y particularmente nel de la gramática, la dialéutica y la música. En 883 dexó Auxerre y coló a Reims, onde l'arzobispu Fulco lo llamara como profesor de la Escuela Catedralicia y ellí permaneció hasta 900, cuando se foi a París pa enseñar hasta que-y llegó la muerte en 908.

Obres

El so pensamientu ta influyíu pol Platonismu y la Teoloxía del irlandés Juan Escotu Erígena, el so contemporaneu. La so obra, dafechu escrita en llatín, ta en parte perdida. Lo que queda d'él son amplios comentarios y reflexones sobre dellos llibros bíblicos y sobre la lliteratura y el pensamientu filosóficu de la dómina romana. Ente les sos obres representatives cítense los sos comentarios al Xénesis (Expositio super Genesim), a los Salmos (Enarrationes in Psalmos) y al Evanxeliu según San Mateo. Gran espardimientu tuvieron na Edá Media les sos reflexones amestaes a los gramáticos y comentaristes de l'antigüedá tardida (Donato, Prisciano, etc.) y a escritores llatinos como Boecio (De Consolatione Philosophiae y Opuscula sacra) y Marcianu Capella (De Nuptiis Philologiae et Mercurii et de septem Artibus liberalibus libri novem). Les sos obres apaecen recoyíes nel volume CXXXI de la Patroloxía llatina de Migne y en Documenta Catholica Omnia.

Referencies

↑ Afirmao en: Catalogue of the Library of the Pontifical University of Saint Thomas Aquinas. Identificador Angelicum: 65364. Apaez como: Remigius Altissiodorensis.
↑ «LIBRIS» (7 xineru 2013). Consultáu'l 24 agostu 2018.
↑ Afirmao en: Gemeinsame Normdatei. Identificador GND: 118788302. Data de consulta: 14 agostu 2015. Llingua de la obra o nome: alemán. Autor: Biblioteca Nacional d'Alemaña.

Enllaces esternos

Obres en Documenta Catholica Omnia

[3b1ebae67bea368bd74e1e676ffd95031cba80be-1] Afirmao en: Catalogue of the Library of the Pontifical University of Saint Thomas Aquinas. Identificador Angelicum: 65364. Apaez como: Remigius Altissiodorensis.

[9617219dbc78f28f6889846ef37b76427a5cb1b9-2] «LIBRIS» (7 xineru 2013). Consultáu'l 24 agostu 2018.

[a0d547902be33e09d4a77a2b9373a7187f7a6efd-3] Afirmao en: Gemeinsame Normdatei. Identificador GND: 118788302. Data de consulta: 14 agostu 2015. Llingua de la obra o nome: alemán. Autor: Biblioteca Nacional d'Alemaña.

[1]

[2]

[3]