Estelada
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La bandera estelada o namái estelada ta considerada la bandera que simboliza la independencia de Cataluña o de los Países catalanes (anque nel País Valencianu tengan la estrelada valenciana, qu'evolucionó de manera paralela a la Senyera coronada valenciana).
El so orixe data de principios del sieglu XX y naz de la fusión de los cuatro palos tradicionales col triángulu con estrella a imitación de la bandera de Cuba. Escoyóse esti modelu por ser Cuba un estáu que s'independizare va poco d'España y yera, poro, un referente.
Hai dos modelos principales:
- La denomada estelada blava (azul), que ye la primera y que s'alcuentra yá en publicaciones de 1918.
- La denomada estelada vermella (colorada), que tien connotaciones d'izquierdes pol color de la estrella y suel tar rellacionada cola defensa d'un estáu independiente comunista o socialista.
Nun quedó fixada la orientación de la estrella y delles vegaes tien un llau paralelu cola vara curtia de la bandera - como nos casos anteriores - y a vegaes tien el paralelismu cola vara llarga, como na imaxe de la drecha.
Les sos dimensiones tampoco quedaron fixaes pero suelen tener unes proporciones de 2:3.
Grupos minoritarios interesáronse n'implantar otres banderes estrellaes con diferentes colores pero ensin ésitu nengún.
Dende la creación d'esta bandera, creáronse munches independentistes darréu que tamién teníen una estrella, com agora la gallega, la occitana, l'aragonesa, l'asturina o la saḥariana.
Referencies
Enllaces esternos
Wikimedia Commons acueye conteníu multimedia sobre Estelada.- Historia de la estelada (en catalán)
- Galería d'estelades catalanes (en catalán)
