8 Spruce Street

De Wikipedia
Saltar a: navegación, buscar
8 Spruce Street
Gehry 8 Spruce Street Brooklyn Bridge.jpg
Situación
País Bandera de Estaos Xuníos d'América Estaos Xuníos d'América
Estaos Nueva York
Metrópoli Flag of New York.svg Nueva York
Borough Manhattan
Coordenaes 40°42′39″N 74°00′20″O / 40.710922, -74.005686Coordenaes: 40°42′39″N 74°00′20″O / 40.710922, -74.005686
8 Spruce Street is located in los EE.XX.
8 Spruce Street
8 Spruce Street
8 Spruce Street (los EE.XX.)
Historia y usu
Dueñu Forest City Enterprises
Arquiteutura
Arquiteutu Frank Gehry
Pisos 76
Web oficial
Cambiar los datos en Wikidata

8 Spruce Street, tamién conocíu como New York by Gehry, ye un rascacielos de la ciudá estauxunidense de Nueva York. Asítiase nel númberu 8 de la cai Spruce, nel Lower Manhattan, al sur de la plaza l'ayuntamientu (City Hall Plaza) y la ponte de Brooklyn (Brooklyn Bridge). Tien un altor de 265 m (870 pies) y 76 pisos. D'usu residencial, va ser el decimosegundu edificiu de viviendes mayor del mundu y el segundu mayor del país cuando acabe, pal 2014, la construcción, tamién en Nueva York, del One57.

El nome orixinal del edificiu yera Beekman Tower. L'estudiu d'esti arquitectu (Frank Gehry) foi el que diseñó esti edificiu, qu'entamó a construyise en 2006 y inauguróse en febreru de 2011. Tien una escuela primaria y dellos comercios na planta baxa, pero'l restu del edificiu ye de viviendes (898 en total), lo que fai d'elli una rareza nesta zona de la ciudá, enllena d'edificios d'oficines.

La so estructura, d'hormigón reforzáu, recuerda en tamañu y forma esterior al edificiu Aqua, llevantáu en Chicago en 2009 con diseñu de l'arquitecta Jeanne Gang. La so fachada ta formada por 10.500 paneles d'aceru inoxidable, dellos planos y dellos ondulaos. Les ventanes de los distintos pisos nun tán alliniaes, y amás el tamañu de les ventanes nun ye'l mesmu nos diferentes apartamentos. L'efectu acumulativu d'estes estructures desiguales recuerda, según l'arquitectu, les curves que había tener una tela que se posara tapando l'edificiu. A resultes d'ello, cada apartamentu de les siete fachaes ondulantes del edificiu tien una planta diferente. Hai namái una fachada plana, la que mira pal sur. Sirve de contraste visual coles otres, y a la vez refuerza la estructura del edificiu.


Enllaces esternos[editar | editar la fonte]