89 Leonis

De Wikipedia
Saltar a navegación Saltar a la gueta
89 Leonis
89 Leonis
Constelación Lleo
Ascensión reuta α 11h 34min 21,9s
Declinación δ +03º 03’ 37’’
Distancia 86,6 años lluz
Magnitú visual +5,70
Magnitú absoluta +3,63
Lluminosidá 3 soles
Temperatura 6450 K
Masa 1,28 soles
Radiu 1,3 soles
Tipu espectral F5.5V
Velocidá radial +3 km/s

89 Leonis (89 Lleo / HD 100563 / HR 4455)[1] ye una estrella na constelación de Lleo asitiada a 1,5º de τ Leonis mui cerca de la llende con Virgu. De magnitú aparente +5,70, nun tien lletra griega de Bayer y ye comúnmente conocida pol so númberu de Flamsteed.

Asitiada a 87 años lluz del Sistema Solar, 89 Leonis ye una estrella blancu-mariella de la secuencia principal de tipu espectral F5.5V[1] con una temperatura efectivo de 6450 K. Ye tres veces más lluminosa qu'el Sol y el so radiu ye un 30% mayor qu'el radiu solar. De carauterístiques físiques similares a otres estrelles más conocíes como Tabit3 Orionis) o γ Serpentis, la so masa ye un 28% mayor que la masa solar.[2] Más nuevu que'l Sol, la so edá varia según la fonte consultada ente 730[3] y 1000[2] millones d'años.

89 Leonis tien una metalicidá, espresada como la so bayura relativa de fierro, superior a la solar nun 38%.[3] La so velocidá de rotación proyeutada —llende inferior de la mesma— ye de 13,5 km/s, a la que correspuende un periodu de rotación igual o menor a 5,24 díes.[4] Esti valor ye bien inferior al periodu de rotación del Sol —en redol a 26 díes—, pero queda bien llueñe del qu'amuesen estrelles más calientes como Altair (α Aquilae), que'l so periodu ye d'aproximao 10 hores.

Referencies[editar | editar la fonte]