36 Ophiuchi
| Constelación | Ophiuchus |
| Ascensión reuta α | A 17h 15min 20,85s B 17h 15min 20,97s C 17h 16min 13,36s |
| Declinación δ | A –26º 36’ 09,0’’ B –26º 36’ 10,.2’’ C –26º 32’ 46,1’’ |
| Distancia | 19,5 ± 0,1 años lluz |
| Magnitú visual | +5,29 / +5,33 / +6,34 |
| Magnitú absoluta | +5,44 (conxunta) |
| Lluminosidá | 0,28 / 0,27 / 0,087 soles |
| Masa | 0,85 / 0,85 / 0,71 soles |
| Radiu | 0,81 / 0,81 / 0,72 soles |
| Tipu espectral | K0V / K1V / K5V |
| Velocidá radial | –0,6 / 0,0 / –1,6 km/s |
36 Ophiuchi (36 Oph / HIP 84405) ye una sistema estelar na constelación d'Ophiuchus asitiáu a 19,5 años lluz del Sistema Solar. Alcuéntrase nel estremu sur de la constelación, al sur de θ Ophiuchi.
36 Ophiuchi ye un sistema estelar triple onde la componente C orbita en redol al par interior formáu por A y B. 36 Ophiuchi A (GJ 663 A / HD 155886 / HR 6402)[1] ye una nana naranxa de tipu espectral K0V que la so temperatura ye de 5100 K. Asemeyáu a α Centauri B, relluma con una lluminosidá correspondiente al 28% de la lluminosidá solar. Tien una masa de 0,85 mases solares[2] y un radiu equivalente al 81% del radiu solar. La so metalicidá, basada na so bayura en fierro, ye aproximao la metá que nel Sol.[3]
36 Ophiuchi B (GJ 663 B / HD 155885 / HR 6401)[4] tien unes carauterístiques físiques cuasi idéntiques a 36 Ophiuchi A, magar ye una estrella daqué más fría de tipu K1V. La órbita de la estrella binaria AB ye bien escéntrica (ε = 0,922), variando la separación real ente los dos componentes dende 7 UA hasta 169 UA; el so periodu orbital ye de 570 años. El periodu de rotación de dambes estrelles ye d'aproximao 21 díes; probablemente, la interaición ente elles ralentizó les velocidaes de rotación.[5] Los dos estrelles tienen cromosferes actives. Variaciones na velocidá radial de 36 Ophiuchi B suxurieron la presencia d'un compañeru subestelar, que la so masa sería 8 vegaes mayor que la del planeta Xúpiter, n'órbita alredor d'esta estrella; anguaño piénsase que diches variaciones son debíes a la gran actividá cromosférica de la estrella.[6]
36 Ophiuchi C (HD 156026 / GJ 664)[7] orbita alredor de la binaria AB a una distancia entendida ente 4370 y 5390 UA. Ye tamién una nana naranxa de tipu K5V catalogada como variable RS Canum Venaticorum, recibiendo la designación de variable V2215 Ophiuchi. La so lluminosidá equival a 0,087 soles, siendo la so masa'l 71% de la masa solar[2] y el so radiu'l 72% del radiu solar. D'alcuerdu al so periodu de rotación —13,4 díes—, la edá del sistema, envalorada per aciu xirocronoloxía, ye de 590 ~ millones d'años.[5]
Ver tamién[editar | editar la fonte]
Referencies[editar | editar la fonte]
- ↑ 36 Ophiuchi A (SIMBAD)
- ↑ 2,0 2,1 The one hundred nearest star systems (RECONS)
- ↑ Heiter, O.; Luck, R. Y.. «Abundance Analysis of Planetary Host Stars. I. Differential Iron Abundances». The Astronomical Journal 126 (4). pp. 2015-2036. http://cdsads.u-strasbg.fr/cgi-bin/nph-bib_query?2003AJ....126.2015H&db_key=AST&nosetcookie=1.
- ↑ 36 Ophiuchi B (SIMBAD)
- ↑ 5,0 5,1 Barnes, Sydney A.. «Ages for Illustrative Field Stars Using Gyrochronology: Viability, Limitations, and Errors». The Astrophysical Journal 669 (2). pp. 1167-1189. http://cdsads.u-strasbg.fr/cgi-bin/nph-bib_query?2007ApJ...669.1167B&db_key=AST&nosetcookie=1.
- ↑ 36 Ophiuchi (Solstation)
- ↑ 36 Ophiuchi C (SIMBAD)
Coordenaes: 
17h 15m 20.984s, -26° 36′ 10.157″
Datos: Q1327863