109 Virginis

De Wikipedia
Saltar a navegación Saltar a la gueta
Artículu revisáu
109 Virginis
Constelación Virgu
Ascensión reuta α 14h 46min 14,92s
Declinación δ +01º 53’ 34,4’’
Distancia 129 ± 4 años lluz
Magnitú visual +3,71
Magnitú absoluta +0,73
Lluminosidá 52 soles
Temperatura 9683 K
Masa 2,58 soles
Radiu 2,7 soles
Tipu espectral A0V
Velocidá radial -6,1 km/s

109 Virginis (109 Vir / HD 130109 / HR 5511)[1] ye una estrella na constelación de Virgu asitiada cerca de la llende con Serpens. Entá escareciendo de denominación de Bayer ye la séptima estrella más brillosa de la so constelación, con magnitú aparente +3,71. Alcuéntrase a 129 años lluz del Sistema Solar.

109 Virginis ye una estrella blanca de la secuencia principal de tipu espectral A0V[2] con una temperatura superficial de 9683 K.[3] Les sos carauterístiques son bien similares a les de Vega (α Lyrae), siendo la so lluminosidá 52 vegaes mayor que la del Sol y el so radiu 2,7 vegaes mayor que'l radiu solar.[4] La distinta distancia que nos dixebra d'una y otra —109 Virginis ta cinco veces más alloñada que Vega— fai qu'ésta última seya muncho más brillosa. La so elevada velocidá de rotación de siquier 290 km/s[3] ye enforma mayor que la del Sol, de tan solo 2 km/s. Per otra parte, amuesa un conteníu metálico —entendiendo por metales aquellos elementos más pesaos que'l heliu— bien inferior al del Sol, con un índiz de metalicidá [Fe/H] = -0,80.[3] Tien una masa 2,58 vegaes mayor que la del Sol.[5] Con una edá averada de 295 millones d'años,[6] percorrió yá'l 68% del so trayectu dientro de la secuencia principal.[5]

Anque catalogada como una posible estrella variable (NSV 6794) con una oscilación nel so rellumu de magnitú +3,70 a +3,75,[1][7] recién estudios indiquen que nun s'aprecia variación significativa dende 1979.[8]

Referencies[editar | editar la fonte]