Épsilon Centauri

De Wikipedia
Saltar a navegación Saltar a la gueta
Ficha d'oxetu celesteÉpsilon Centauri
Datos d'observación
Ascensión reuta (α) 204,971907231 °[1]
Declinación (δ) −53,466391146 °[1]
Magnitú aparente (V) 2,3 (banda V)
Magnitú absoluta −3,9
Constelación Centaurus[3]
Velocidá de rotación 160 km/s
Velocidá radial 3 km/s[6]
Parallax 7,63 mas[1]
Radiu 6,25 Radius solars
Otros nomes
Cambiar los datos en Wikidata

Coordenaes: Sky map 13h 39m 53.258s, -53° 27 59.008

Épsilon Centauri (ε Cen / HD 118716 / HR 5132)[7] ye una estrella de magnitú aparente +2,29 asitiada na constelación de Centaurus. Tien el nome, pocu utilizáu, de Birdun, que'l so orixe ye árabe y significa «caballu de carga».

Épsilon Centauri ye una estrella azul caliente de tipu espectral B1 con una temperatura superficial de 23.900 K. Nun esiste unanimidá tocantes a si ye una estrella xigante, subxigante o de la secuencia principal. La so lluminosidá —teniendo en cuenta la radiación emitida nel ultravioleta— ye de 11.400 soles, siendo'l so radiu 6,25 vegaes más grande que'l del Sol. Amuesa una alta velocidá de rotación de siquier 114 km/s, emplegando menos de 2,7 díes en completar una vuelta. Tien una masa 11 vegaes mayor que la del Sol y la so edá envalórase en menos de 10 millones d'años.[8]

Épsilon Centauri ye una variable Beta Cephei que'l so rellumu apenes varia dos centésimes de magnitú ente +2,29 y +2,31 en múltiples periodos de 0,170, 0,177, 0,210 y 0,191 díes. Una estrella de magnitú 13 visualmente a 39 segundos d'arcu pue ser una compañera real —pol so rellumu sería una nana naranxa de tipu K6— o a cencielles una estrella na mesma llinia de visión. Nel casu de qu'esista una rellación física ente dambes, la separación proyeutada, 4500 UA, implica un periodu orbital de siquier 89.000 años.[8]

Referencies[editar | editar la fonte]

  1. 1,0 1,1 1,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data de publicación: 2002.
  3. Afirmao en: VizieR. Llingua de la obra o nome: inglés.
  4. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  5. Afirmao en: Vitesses radiales. Catalogue WEB: Wilson Evans Batten. Radial velocities: The Wilson-Evans-Batten catalogue. Páxina: 269–280. Data de publicación: 1995.
  6. «The revision of the general catalogue of radial velocities». Proceedings of the International Astronomical Union:  páxs. 57–62. 1979. 
  7. Epsilon Centauri - Variable Star of beta Cep type (SIMBAD)
  8. 8,0 8,1 Epsilon Centauri (Stars, Jim Kaler)

Coordenaes: Sky map 13h 39m 53.258s, -53° 27 59.008