WikiMedia

De Uiquipedia
Saltar a: navegación, buscar
Logotipu de la fundación Uiquimedia, realizáu pol usuariu "Neolux"

La Fundación Uiquimedia (Wikimedia Foundation, Inc.) ye la organización matriz de Uiquipedia, Uiquinoticies, Uiccionariu, Uiquicites, Uiquillibros, Uiquisource, commons, Uiquispecies, Uiquiversidá y la yá abandonada Nupedia. Ye una organización ensin fines de llucru instituyía baxu les lleis de Florida (Estaos Xuníos). La so esistencia foi oficialmente anunciada pol direutor xeneral de Bomis y cofundador de Uiquipedia, Jimbo Wales el 20 de xunu de 2003. El nome de "Uiquimedia" foi acuñáu por Sheldon Rampton nuna llista de correu (WikiEN-l) en marzu del 2003. Los nomes de los dominios http://wikimedia.org y http://wikimediafoundation.org foron alquiríos pa la fundación por Daniel Mayer.

Oxetivos de la fundación[editar | editar la fonte]

Los oxetivos de la Fundación que manexa Uiquipedia ye la de desendolcar y caltener proyeutos de conteníu llibre basaos en uiqui, y proveer el conteníu total d'esos proyeutos al públicu de baldre.

Amás de la enciclopedia multillingüe d'usu xeneral Uiquipedia, la Fundación alministra un diccionariu multillingüe nomáu Uiccionariu, una enciclopedia de cites nomada Uiquicites, un depósitu de testos de referencia en cualesquier idioma nomáu Uiquiesbilla, un sitiu de noticies nomáu Uiquinoticies y una coleición de llibros de testu lletrónicos pa estudiantes nomáu Uiquillibros. Wikijunior ye un proyeutu rellacionáu destináu a neños y adolescentes.

L'espoxigue contino de los proyeutos de Uiquipedia depende básicamente de donaciones, pero la Fundación Wikimedia trata d'incrementar los sos ingresos al traviés de fontes alternatives de financiación comu premios y patrocinios.


Enlaces externos[editar | editar la fonte]