Volume molar

De Uiquipedia
Saltar a: navegación, buscar

El volume molar d'una sustancia, en química, ye'l volume qu'ocupa un mol de dicha sustancia. Pue calculase col pesu atómicu o pesu molecular, dividíu ente la so densidá.

Un mol de cualquier sustancia contién NA partícules. Nel casu de sustancies gaseoses moleculares un mol contién NA molécules. D'equí resulta, teniendo en cuenta la llei d'Avogadro, qu'un mol de cualesquier sustancia gaseosa va ocupar siempre'l mesmu volume (midíu nes mesmes condiciones de presión y temperatura).

Esperimentalmente pudo comprobase que'l volume qu'ocupa un mol de cualesquier gas ideal en condiciones normales (presión = 1 atmósfera, temperatura = 273 K = 0 ºC) ye de 22,4 llitros.

Esti valor del volume molar correspuende a los nomaos gases ideales o perfeutos; los gases ordinarios nun son perfeutos (les sos molécules tienen dél volume, anque seya pequeñu) y el so volume molar sepártase daqué d'esti valor. Asina los volúmenes molares de dalgunos gases son: monóxidu de carbono (CO) = 22,4 L; dióxidu d'azufre (SO2) = 21,9 L; dióxidu de carbono (CO2) = 22,3 L; almoniaco (NH3) = 22,1 L.

Nel casu de sustancies n'estáu sólidu o llíquidu'l volume molar ye muncho menor y distintu pa cada sustancia. Por exemplu:

  • Pal nitróxenu llíquido (-210 ºC) el volume molar ye de 34,6 cm3
  • Pal agua llíquido (4 ºC) el volume molar ye de 34,6 cm3

La unidá del Sistema Internacional d'Unidaes pal volume molar ye'l metru cúbicu por mol:

/mol ó ·mol-1