Viḷḷamor
 Viḷḷamor | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Somiedo |
| Parroquia | Las Morteras |
| Partíu xudicial | Grau |
| Tipu d'entidá | aldea |
| Nome oficial | Viḷḷamor (ast)[1] |
| Xeografía | |
| Coordenaes | 43°08′27″N 6°13′17″W / 43.140699°N 6.221307°O |
  Viḷḷamor Viḷḷamor (Asturies) | |
| Más información | |
| Estaya horaria | UTC+01:00 |
 | |
Viḷḷamor[2] ye una aldea[3] de la parroquia de Las Morteras nel conceyu asturianu de Somiedo.
Alcuéntrase a 14,2 km[3] de La Pola Somiedo, la capital del conceyu, a un altor mediu de 940 msnm[4] y tien una población de .
Accesu[editar | editar la fonte]
L'aldea alcuéntrase nun entornu domináu por praderíes y brañes como La Coḷḷada o Meirel, concretamente al fondu del valle subsidiariu de la parroquia de Las Morteras, ente los regueiros de Viḷḷarín y Orderias y baxo'l Cantu La Ḷḷampaza. L'accesu al llugar faise per un esvíu de quilómetru y mediu, que se toma na carretera AS-265, ente les llocalidaes de Las Morteras y Orderias. Históricamente ye un llugar abegosu y, asina, el Diccionariu Xeográficu Universal de 1832 definíalu como "escabrosu y sombríu".
Patrimoniu[editar | editar la fonte]
L'edificiu más rescampláu ye la Ermita de la Virxe de la O (La Nuesa Señora de la Espectación) que consta de pórticu a los pies, amás d'un campanariu pequeñu en piedra coronáu por una cruz del mesmu material. Per otru llau presenta bien d'edificios que nun sufrieron alteriadures constructives y amuesen les tradicionales paredes feches en piedra colorao como llamen a l'arenisca colorao emplegada de forma preferente na construcción de les cases. Delles amuesen la reconocible forma semicircular de los fornos de piedra, que sobresalen na planta.
Amás, podemos nomar lo que vien darréu:
- Numberosos horros, paneres con talles qu'ornamenten los furacos de ventilación.
- Medios de tresporte tradicional: el tradicional carru del país, la carrieḷḷa (una especie de carru sobro patinos pa llevar el cuitu a les finques), el ramo (asemeyáu a un trinéu p'acarretar herba) y la corza (paecíu al anterior pero con patinos de madera de faya, más resistente, pa cargues pesaes como lleña o piedra).
- Una fonte que sirvió de llavederu.
- Un antiguu molín agora en desusu.
Fiestes[editar | editar la fonte]
La fiesta llocal venía celebrándose tradicionalmente nel mes d'ochobre, cuando la mocedá del llugar allegábase hasta la Viesca d'El Toral pa recoyer rames de texu pa orniar la capiella, sicasí, en feches recientes ésta treslladóse al mes de xunetu p'atrayer más asistentes y onde amás de delles actividaes lúdiques saquen en procesión la imaxe de la Virxe.
Población[editar | editar la fonte]
Tien una población de nun total de 13 viviendes lo que lu convierte nel que más habitantes tien censaos na parroquia. Sicasí, daes les difíciles condiciones climátiques que carez namái un vecín permanez de siguío en Viḷḷamor. La evolución demográfica de los últimos años ye la que vien darréu:
| Añu | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
| Población | 35 | 34 | 34 | 34 | 32 | 32 | 30 | 33 | 31 | 30 | 30 | 28 | 27 | 25 | 25 | 23 | 23 |
Referencies[editar | editar la fonte]
- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 12 setiembre 2022.
- ↑ «Espediente colos topónimos oficiales de Somiedo». BOPA.
- ↑ 3,0 3,1 «SADEI: Noménclator d'entidaes del Principáu d'Asturies» (en castellanu).
- ↑ (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
Enllaces esternos[editar | editar la fonte]
| Control d'autoridaes |
|
|---|
Datos: Q20621054