Valentín Vega
Valentín Vega | |
---|---|
Vida | |
Nacimientu | Lluanco, 31 de xineru de 1912 |
Nacionalidá | España |
Muerte | L'Entregu, 24 de marzu de 1997 (85 años) |
Estudios | |
Llingües falaes | castellanu[1] |
Valentín Vega Fernández (31 de xineru de 1912, Lluanco – 24 de marzu de 1997, L'Entregu)[2] foi un reconocíu fotógrafu asturianu.
Biografía[editar | editar la fonte]
Formóse en Xixón, onde creció, y en Valladolid onde desendolcó la so faceta artística. Los sos padres sentíen gran interés pola fotografía. Los sos hermanos acabaron por dedicase tamién a la fotografía montando los sos propios estudios. Mientres la Guerra Civil foi secretariu de la UXT en Xixón. Llegó a tar trés años presu pola so afiliación política. Hacia 1941 empezaría a visitar les Cuenques Mineres asturianes, especialmente la del Nalón, pola que sintió predileición, como fotógrafu ambulante o "fotógrafu de cai". En 1951 treslladóse a vivir a L'Entregu cola so familia, onde abrió un estudiu fotográficu. Equí exerció tamién nel institutu como profesor d'educación física y d'atletismu dende los años 60.
Valentín Vega ye especialmente conocíu poles sos semeyes de la vida cotidiana de les locaidades mineres d'Asturies nos años 40 y 50: comercios, mineros, muyeres carboneres, feries, parques, etc., mereciéndose'l respetu de los profesionales de la fotografía.[3]
A pesar de la so prolífica obra, namái se consiguió salvar parte de la so obra del periodu 1941-1951 (más de 70.000 negativos) por parte del Muséu del Pueblu d'Asturies, onde se caltién. Ente xineru y marzu de 2017 el Muséu Nacional d'Antropoloxía (España) dedicó-y la esposición: "Valentín Vega: La vida por delante".
Publicaciones[editar | editar la fonte]
- 2016ː Valentín Vegaː Fotógrafu de cai (1941-1951)[4]
Referencies[editar | editar la fonte]
- ↑ «idRef» (francés). Agencia Bibliográfica de Enseñanza Superior. Consultáu'l 17 mayu 2020.
- ↑ http://www.asturias.es/portal/site/memoriaDigital/menuitem.8ec6a67ab8a052b90c087825a6108a0c/?vgnextoid=fca9857a97b3d210VgnVCM10000097030a0aRCRD&idUsuario=
- ↑ «Valentín Vega: el fotógrafo sentipensante» (castellán) (28 d'avientu de 2016).
- ↑ https://www.gijon.es/es/publicaciones/valentin-vega-fotografo-de-calle-1941-1951/