Uniform Resource Identifier

De Uiquipedia
Saltar a: navegación, buscar

Uniform Resource Identifier, (URI) n'asturianu: identificador uniforme de recursos. Tamién s'utiliza URL, anque nun ye exautamente lo mesmo.

Ye un testu curtiu qu'identifica inequívocamente cualesquier recursu (serviciu, páxina, documentu, direición de corréu electrónicu, enciclopedia ...) que tea disponible nuna rede.

Normalmente un URI consta de les siguientes partes:

  • Especificación del métodu d'accesu al recursu, por exemplu urn:, tag:, cid:. De vezu tamién identifica'l protocolu d'accesu, por exemplu http:, mailto:, ftp:.
  • Especificación de l'autoridá xerárquica de nomes, por exemplu "//ast.wikipedia.org".
  • Especificación de la ruta, polo xeneral de forma xerárquica, qu'identifica un recursu dientro del esquema URI y l'autoridá de nomes (p.ex. /wiki/Uniform_Resource_Identifier).
  • Información con estructura non xerárquica (de vezu pares "clave=valor") qu'identifica un recursu nel ámbitu del esquema URI y l'autoridá de nomes. El principiu d'esta parte indicase col caráuter '?'.
  • Fragmentu que permite identificar una parte del recursu principal, o un vista de la so representación. El principiu d'esta parte indicase col caráuter '#'.

La especificación detallada ta recoyida na RFC 2396 - Uniform Resource Identifiers (URI): Generic Syntax.

Ver tamién URL, anque esti queda englobáu nel conceutu d'URI y cada vegada ta quedando más en desusu. La diferencia ye qu'un URL nun permite incluir una subdireición, que determina la parte del fragmentu.