Turón
Turón ye una parroquia de Mieres.
HESTORIA [editar]
Neolíticu [editar]
El Valle de Turón colonizóse n'algún momentu del neolíticu, muestres d'ello son los túmulos topaos na zona del cordal de Polio. Destruyéronse cola actividá minera, tamién algún castru. Ye probable que se conserven restos de castros nel Valle pero ye discutible.
Cultura Castreña [editar]
La incorporación verdadera de Turón a la hestoria tien lugar cola cultura castreña que desarrollose dende mediaos del primer mileniu enantes de Cristu. Consérvense en Turón unos cuantos yacimientos, la mayoría na zona alta del Valle, ente Villandio, Armiello y Urbiés. Nun s'escavó ningunu pero dizse que nel Castru la Xamonda topóse una urna de piedra con cenices y un ídolo antropomórficu que vinculábase con una colección de los Padres Pasionistas de Mieres. Nun se sabe nada de la romanización de Turón y los habitantes de los castros pero debió ser intensa por tar Turón cerca d'Uxo porque tuvo mui romanizáu. Nun hai constancia del periodu de decandencia romana y de la incorporación de la Edá Media nel Valle tampoco. Les úniques pistes son toponímiques: los nomes de Villandio o Villapendi puen vinir de villes romanes; otros nomes de llugares como Sesnendi puen vinir de nomes xermánicos que remóntense a la Alta Edá Media.
