Theodore Kaczynski

De Uiquipedia
Saltar a: navegación, buscar
Ficha policial de Theodore John Kaczynski.
Retratu robot fechu por Jeanne Boylan.

Theodore John Kaczynski [kaˈtʂɨɲskʲi] (22 de mayu de 1942), tamién conocíu col sobrenome d' Unabomber, ye un matemáticu norteamericanu y críticu de la sociedá que fizo una campaña d'unvíos de cartes bomba pa denunciar la sociedá moderna teunolóxica. Ñació en Chicago, nel estau d'Illinois, y dende una muy pronta edá demostró escelentes capacidaes académiques. Kaczynski recibió un graduau pola Universidá de Harvard y un doctorau (PhD) en matemátiques pola Universidá de Míchigan. Convirtiose en assistant professor (equival a profesor ayudante doctor) na Universidá de California (Berkeley), a la edá de 25 años, pero dimitió dos años dempués. En 1971 camudose a una cabaña ensin lluz nin agua corriente en les remotes tierres de Lincoln, Montana, onde entamó a deprender téuniques de supervivencia y a tentar ser autosuficiente. De 1978 a 1995, Kaczynski unvió 16 bombes a oxetivos ente ellos universidaes y aerollínias, finando cola vida de 3 persones y firiendo a otres 23.

Kaczynski unvió una carta al diariu The New York Times el 24 d'abril de 1995 y prometió "finar col terrorismu" si el The New York Times o el The Washington Post publicaben el so manifiestu. Nel so Industrial Society and Its Future (tamién nomau el "Manifiestu Unabomber"), dicía que les bombes yeren midíes estremes pero necesaries p'atrayer l'atención sobre la erosión que sofría la llibertá humana, erosión rexía pola alta teunoloxía que necesitaba una organización a gran escala.

Enllaces esternos[editar | editar la fonte]