The Who

De Uiquipedia
Saltar a: navegación, buscar
The Who
The Who Hamburg 1972 2.jpg
Nome {{{Nome_de_nacimientu}}}
Nomatu {{{Nomatu}}}
Nació {{{Nacimientu}}}
Morrió {{{Muerte}}}
Información musical
Orixe Londres, Reinu Xuníu
Xéneru Mod, Rhythm & blues, Rock sicodélicu, Hard rock
Ocupación {{{Ocupación}}}
Instrumentos {{{Instrumentu}}}
Actividá 1964–83, 1989, 1996–presente
Discográfiques Brunswick, Reaction, Track, Polydor (Reinu Xuníu)
Decca, MCA, Warner Bros, Universal Republic, Geffen (Estaos Xuníos)
Rellacionáu con {{{Artistes_rellacionaos}}}
Páxina web Sitiu oficial

The Who ye una banda británica de Rock formada en 1964 en Londres por Roger Daltrey (voz), Pete Townshend (guitarra, teclaos y voz), John Entwistle (baxu y voz) y Keith Moon (batería y voz).

Foi conocida poles sos enerxétiques presentaciones en vivu, que incluyíen la destrucción de los sos preseos musicales. The Who vendió alredor de 100 millones de discos, asitiaron 27 senciellos nel Top 40 nel Reinu Xuníu y Estaos Xuníos, y 17 álbumes nel Top 10, llogrando 18 discos d'oru, 12 de platino y 5 de multi-platino namá nos Estaos Xuníos.

Hestoria[editar | editar la fonte]

The Who algamó la fama nes Islles britániques con una serie de senciellos que s'allugaron nel Top 10, impulsaos en parte por emisores de radio pirates como Radio Caroline, empecipiando'l so ésitu en xineru de 1965 con «I Can't Explain», complementáu con más hits como «My Generation» (númberu 2 n'Inglaterra), «Substitute» o «I'm a Boy». Los álbumes My Generation (1965), A Quick One (1966) y The Who Sell Out (1967) siguiéronlos, colos dos primeros algamando'l Top 5 nel Reinu Xuníu. El primer hit nel Top 40 estaunidense foi «Happy Jack» y, darréu, ingresó al Top 10 esi mesmu añu con «I Can See for Miles».

La so fama creció con actuaciones memorables nos festivales de Monterey, Woodstock y en Isle of Wight. En 1969 llanzaron l'ambiciosu LP doble Tommy, enmarcáu dientro del xéneru llamáu "Ópera rock", y el primeru d'una serie d'álbumes Top 10 nos Estaos Xuníos, siguío por Live at Leeds (1970), Who's Next (1971), Quadrophenia (1973), The Who by Numbers (1975), Who Are You (1978) y la banda sonora de The Kids Are Alright (1979).

Keith Moon morrió en 1978 a la edá de 32 años. Depués del so decesu, la banda llanzó dos álbumes d'estudiu, Face Dances (1981) qu'algamó'l Top 5 nes llistes d'Estaos Xuníos y el Reinu Uníu, y darréu It's Hard (1982), qu'algamó'l Top 10 nel ranking musical estaunidense, trabayos que realizaron col batería Kenney Jones, dempués de lo que dixebráronse, en 1983

The Who volvió reagrupase pa participar nel Live Aid en 1985, pol 25º aniversariu de la banda en 1989, y na xira Quadrophenia Tour en 1996, que marcó'l remanecimientu del grupu hasta'l presente. Nel añu 2000, los trés miembros orixinales sobrevivientes trabayaron na grabación d'un nuevu material, pero los sos planes enllancáronse temporalmente por cuenta de la muerte de John Entwistle en 2002, a los 57 años d'edá. Townshend y Daltrey siguieron col trabayu de la banda, llanzando en 2006 Endless Wire, qu'algamó'l Top 10 n'Estaos Xuníos y el Reinu Xuníu.

El grupu foi incluyíu nel Salón de la Fama del Rock en 1990, nel so primer añu de elegibilidá, describiéndolos como «Primeros contendores, na mente de munchos, pol títulu de la banda más grande nel mundu del Rock». La revista "Time" espresó en 1979 que «Nengún otru grupu llevó'l Rock tan llueñe», en cuantes que "Rolling Stone" escribió: «Xuntu con The Beatles y The Rolling Stones, The Who completa la santísima trinidá del Rock británicu».

La banda recibió el Lifetime Achievement Award de la British Phonographic Industry en 1988, y de la Grammy Foundation en 2001, poles significatives y escepcionales contribuciones creatives nel campu de la grabación. Dende 1996 hasta'l día de güei el grupu caltúvose n'actividá más o menos constante, anque con distintes alliniaciones, siempres comandáu por Townshend y Daltrey.

Discografía[editar | editar la fonte]

Álbumes n'estudiu
  • My Generation (1965)
  • A Quick One (1966)
  • The Who Sell Out (1967)
  • Tommy (1969)
  • Who's Next (1971)
The Who en Toronto, Canadá, 1976
  • Quadrophenia (1973)
  • The Who by Numbers (1975)
  • Who Are You (1978)
  • Face Dances (1981)
  • It's Hard (1982)
  • Endless Wire (2006)
Álbumes en vivu
  • Live at Leeds (1970)
  • Who's Last (1984)
  • Join Together (1990)
  • Live at the Isle of Wight Festival 1970 (1996)
  • BBC Sessions (2000)
  • Blues to the Bush (2000)
  • Live at the Royal Albert Hall (2003)
  • Live from Toronto (2006)
  • Greatest Hits Live (2010)
Bandes sonores
  • Tommy (1975)
  • The Kids Are Alright (1979)
  • Quadrophenia (1979)

Miembros[editar | editar la fonte]

Formación actual
  • Roger Daltrey (voz, guitarra, harmónica)
  • Pete Townshend (guitarra, voz, teclaos)
Daltrey y Townshend en 2008
Músicos adicionales
  • Simon Townshend (guitarra, coros)
  • Pino Palladino (baxu)
  • Zak Starkey (batería)
  • John Corey (teclaos)
  • Loren Gold (teclaos, coros)
  • J.Greg Miller (vientos)
  • Reggie Grisham (vientos)
  • Frank Simes (teclaos, coros, dirección musical)
Antiguos miembros
  • John Entwistle (baxu)
  • Keith Moon (batería)
  • Kenney Jones (batería)
  • Doug Sandom (batería)
  • Simon Phillips (batería)
  • John "Rabbit" Bundrick (teclaos)

Referencies[editar | editar la fonte]