The Masters

De Uiquipedia
Saltar a: navegación, buscar

El Masters, tamien conocíu comu Masters d'Augusta, ye un de los cuatro torneos más importantes (tamién nomaos majors) nel calendariu masculín de golf y el primeru que se celebra ca añu. La rolda final del torneu tien llugar na fin de selmana del segundu domingu d'abril. Esti Master tien una sede fixa, l'Augusta National Golf Club, un club de golf privau asitiau n'Augusta, Xeorxia, Estaos Xuníos. Los creadores del torneu foron los xugadores Clifford Roberts y Bobby Jones, que ficieron el diseñu del campu xunto al llexendariu diseñador de percorridos Alister MacKenzie.

De la mesma manera al restu de majors, ganar el Masters da-y al golfista que lu algama dalgunos privilexos: Ye automáticamente convidau a xugar los otros tres majors mientres los siguientes cinco años, y algama una convidada pa tola vida pa xugar el Masters. Tamién entra a formar parte del PGA Tour y recibe convidada pa xugar el torneu The Players' mientres los siguientes cinco años.

El premiu más significativu del torneu, ensin embargu, ye la "chaqueta verde". Amás d'esti premiu, el ganador del torneu recibe una Medalla d'Oro y so nome ye grabau nel Trofeu de los Maestros.

Records[editar | editar la fonte]

  • Ganador más xoven: Tiger Woods (1997) con 21 años y 104 díes.
  • Ganador de mayor edá: Jack Nicklaus (1986) con 46 años y 82 díes.
  • Máayor marxe de victoria: 12 golpes (Tiger Woods en 1997).
  • Mayor númberu de golpes pa ganar el torneu: 289 (Sam Snead en 1954, Jack Burke en 1956 y Zach Johnson en 2007).
  • Mayor númberu de cortes: 37 (Jack Nicklaus).
  • Mayor númberu de cortes consecutivos: 23 (Gary Player dende 1959 fasta 1982.
  • Mayor númberu de participaciones: 50 (Arnold Palmer dende 1955 fasta 2004).

Enllaces esternos[editar | editar la fonte]