Termópiles

De Uiquipedia
Saltar a: navegación, buscar
38° 48' 19" N, 22° 33' 46" E


Pasu de les Termópiles.
Vista del pasu de les Termópiles. Hai 2000 años la llinia del mar allugábase onde anguaño ta la carretera, o entá más cerca del monte.

Les Termópiles (en griegu antiguu y clásicu Θερμοπύλαι, demóticu Θερμοπύλες) ye'l nome d'una canga en Grecia. El so nome pue tornase como «puertes calecíes», darréu que tien dellos priales y mananciales ñaturales d'agües termales.

El pasu estiéndese dende Lócrida, en Tesalia, ente'l monte Oeta y la mar (nel golfu Malíacu). Ye un pasu obligáu nel trayeutu ente'l norte y el sur de Grecia, y poles sos carauterístiques xeográfiques, foi elexíu como escenariu de varies batalles na hestoria de Grecia. La de mayor renome foi la batalla de les Termópiles, añu 480 edC., nel que la salvaguardia griega caltuvo l'avance del exércitu persa, qu'avanciaba baxo'l mandu de Xerxes I, rei de Persia.

Outres dos batalles emportantes tovieron llugar en Termópiles. Nel 279 edC. los galos, comandaos por Breno, foron conteníos demientres dellos meses por un exércitu griegu al mandu del ateniense Calipu y nel añu 191 edC. Antíocu III el Grande, de Siria, intentó frenar el pasu de los romanos dirixíos por Maniu Aciliu Glabriu.

Menos renomáu ye'l xoque asocedíu ente los años 353 y 352 edC. metantu la tercera guerra sagrada, cuandu 5.000 hoplites atenienses y 400 xinetes torgaron el pasu a les fuercies de Filipu II de Macedonia.

Na dómina de Leónides I nel 480 edC., el pasu yera una sienda estrencha (una foz, dablemente d'alrodiu 12 m. d'anchor) allugada na faza inferior de la canga. En dómines modernes, los sedimentos del ríu Esperquéu enancháronla de 1,5 a 5 km. Los priales d'agües termales, entá esisten metanes xunto al pie de la pruída.


Ver tamién[editar | editar la fonte]